Uviéu Llambión: quince pasteleríes van ufiertar los sos dulces más icónicos a precios de promoción. La ruta va empezar el miércoles día 20 con hestóricu locales como Rialto, Peñalba, Camilo de Blas, Ovetus o Verdú. Más info.
La ruta duce de la capital asturiana, Uviéu Llambión, una iniciativa que yá se convirtió n’una cita imprescindible del calendariu local, llega de nuevu cola so tercer edición. Va Dar empiezu esti miércoles y va enllargase hasta’l 14 de xunu. Mientres estes selmanes, quince de los establecimientos más prestixosos d’Uviéu van abrir les sos puertes para ufiertar una de les sos creaciones más emblemátiques a un preciu promocional d’ente 3 y 4 euros. #OviedoLlambión /#OviedoCocinaQueConquista
La llista de participantes combina locales históricos con nueves propuestes d’autor: Asturies, Euseva, Bombones Peñalba, Brith Boutique de Chocolate, Camilo de Blas, Diego Verdú Monerris, Dos d’Azucre, Jarama, La Celestina, La Mayor, Llambionadas, Ovetus, Rialto y Santa Cristina, xuntu al sofitu institucional del Gremiu d’Artesanos Confiteros del Principáu d’Asturies.
Sol paragües de la Capitalidad Gastronómica, l’eventu tien como oxetivu principal, en palabres del conceyal d’Hostelería y Turismu, Alfredo García Quintana, «poner en valor una de les grandes fortaleces de la nuesa ciudá: la so tradición repostera, el talentu de les nueses confiteríes y la peralta calidá de los productos qu’ufierten».
Yolanda Costales, de la empresa Gustatio, sorrayó l’accesibilidá de la propuesta, diseñada por que tanto uvieinos como visitantes puedan afayar la excelencia del sector artesanu local. «Queremos que se vea’l nivel tan alto qu’hai na ciudá, dexando que’l públicu esfrute de dulces que son auténticos símbolos de cada casa», señaló la organizadora.
El programa d’anguaño tesciende la mera degustación ya inclúi eventos de primer nivel técnicu ya históricu como una masterclass esti xueves a les 19.30 hores nel Institutu Técnicu de la Pastelería y Panadería d’Asturies de la mano del campeón actual del mundu de chocolate Lluc Crusellas. Tamién va haber una reconocencia a la hestoria. El martes 26 de mayu, l’Auditoriu Príncipe Felipe va ser l’escenariu d’un percorríu pola tradición confitera uvieina. La xornada va tener un carís emotivu col homenaxe especial a la Confitería Rialto, que celebra anguaño’l so centenariu como referente del sector.
Pa incentivar la rotación polos distintos locales, la organización recuperó los populares «pasaportes llambiones». Los veceros que completen los sos sellos nes confiteríes participantes van entrar nel sortéu de trés llotes de productos selectos. Amás, los comenenciudos n’asistir a les actividaes gratuites tendrán d’inscribise primeramente al traviés de la web oficial gustatioeventos.es.
