La pieza, de madera de castañal y carbayu, supunxo cuasi 700 hores y dos meses de trabayu.
Sobre un metru cúbicu de madera de castañal emplegó Manolo Fernández nesta maqueta de la Ponte Romana de Cangues a la que dedicó un montón d’hores desque se punxo manes a la obra allá pel mes de marzu.
Esti vecín d’Amieva, que se documentó con un gran planu que preside’l so taller, enxamás pensó que-y tocaría faer una copia d’unu de los más populares monumentos asturianos.
Non contentu con cortar y ensamblar les pieces que conformen esta copia del puentón canguetu que pesa ente 70 y 80 quilos y mide 2 metros de llargor, esti artesanu incluyó dellos detalles tallaos.
Nunos díes Manolo va apurrir la so Ponte Romana a quien la encargó y, reconoz, que-y da pena desfacese d’ella, que la echará de menos anque yá piensa en nueves pieces.
