Publicado en Aniversariu, Astronomía

1846: J. G. Galle reparó per primer vegada’l planeta Neptuno

En 1846 Johann Gottfried Galle reparó per primer vegada’l planeta Neptuno tres los cálculos de Verrier. En 1846, l’astrónomu alemán Johann Gottfried Galle reparó dende l’Observatoriu de Berlín un oxetu que sería identificáu como Neptuno. La fecha foi’l 23 de setiembre. L’afayu fuera antemanáu por aciu cálculos matemáticos realizaos a partir de les irregularidaes reparaes na órbita d’Urano.

El francés Urbain Le Verrier calculó la posición averada del planeta desconocíu y comunicó les sos resultancies a Galle. De manera independiente, el británicu John Couch Adams realizara cálculos similares.

Galle, acompañáu por Heinrich Louis d’Arrest, alcontró l’oxetu a menos d’un grau de la posición predicha por Le Verrier. Mientres les observaciones posteriores comprobaron que se movía respectu del fondu estelar, confirmando que se trataba d’un planeta. La identificación de Neptuno modificó la concepción del Sistema Solar conocíu hasta entós y amplió considerablemente les sos dimensiones. El planeta atopase a unos 4.500 millones de kilómetros del Sol y tarda aprosimao 165 años terrestres en completar una órbita.

Autor:

Maestra de Llingua Asturiana Colexu Carmen Ruiz-Tilve - Uviéu