El so alcuentru con Severu Ochoa, en Xixón, en 1958, empobinó la so carrera escontra la bioquímica y años dempués, Margarita incorporaríase al so llaboratoriu na Universidá de Nueva York, onde trabayaron xuntos ente 1964 y 1967 nuna relación marcada pol respetu y l’igualdá.
Ye estraordinariu que dos de los nomes fundamentales de la bioquímica española, Severu Ochoa y Margarita Salas, nacieren a diez kilómetros de distancia.
En 1967 tornó a España y fundó un grupu pioneru d’investigación en xenética molecular contribuyendo al desenvolvimientu de la bioloxía molecular española.
El so gran aportación llegaría col bacteriófago φ29 y el descubrimientu del so ADN polimerasa, una enzima capaz d’amplificar material xenético con estraordinaria precisión. Un afayu qu’abrió nueves posibilidaes na medicina forense, la oncoloxía y l’arqueoloxía y que dio llugar a una de les patentes más rentables de la historia del CSIC.
Ente les sos numberoses reconocencies nacionales y internacionales ,recibió, nel 2019, el Premiu Inventor Européu, sicasí Margarita Salas nunca recibió’l Premiu Princesa d’Asturies d’Investigación Científica y Técnica. una ausencia difícil d’esplicar y qu’ella mesma llegó a reconocer nel 2008 como un “escayu claváu”.
- Dani Azpitarte Dani Azpitarte ye llicenciáu en Belles artes y especializáu en postproducción. Trabayó como supervisor nos llargumetraxes d’animación Black is Beltza, Black is Beltza II: Ainhoa y Rock Bottom. Na semeya esquiza un llinguaxe de marcada influencia urbana, onde la intensidá del trazu y la fuerza espresivo conviven con una sólida formación académica.
- Peter Watson ye un historiador y periodista conocíu nel ámbitu de la historia de les idees.