El Manifiestu d’Uviéu 2031 ye un documentu que busca promover el respetu y la «amabilidá» nel fútbol base, un deporte que precisa un llamáu a l’amabilidá. Preséntase como un actu de resistencia frente a la peligrosa meyora y normalización del odiu y la violencia nes nueses sociedaes democrátiques.
La “amabilidá” que defendemos dende la candidatura d’Uviéu y Asturies a Capital Europea de la Cultura en 2031 preséntase como un actu de resistencia frente a la peligrosa meyora y normalización del odiu y la violencia nes nueses sociedaes democrátiques.
Ye daqué que nos afecta a toos, y por eso queremos que’l fútbol, tan presente en tolos ámbitos del nuesu día ente día, y más el fútbol base, sía unu de los nuesos principales embaxadores nesti cambéu valiente d’aldu.
Porque’l fútbol ye un xuegu que precisa a los demás. Xuegues nun equipu y xuegues con otres persones. Si xuegues solo, nun tas xugando. El fútbol ye, tamién, un deporte abierto a toles persones y, poro, el respetu ye unu de los sos valores fundamentales.
Paez daqué senciellu, pero l’exerciciu constante del respetu y de la “amabilidá” nel deporte esixe daqué más que xestos o palabres. Respetar y ser atentu nun ye solo dase la mano antes d’empezar el partíu, nin una palmetada nel llombu al acabar, nin tampoco intercambiase les camisetes.
El respetu, la “amabilidá”, consiste n’honrar el trabayu y el sacrificiu de los tos compañeros, los del to equipu y los del otru equipu.
Trata a los demás en tou momentu como te gustaría que te trataren a ti. Estiende esa idea a los entrenadores, a los aficionaos, a los árbitros, a les families de los xugadores y a toes aquelles persones que trabayen pa faer posible que puedas xugar.
Curia’l campu, curia’l vestuariu, curia les instalaciones, curia la to redolada.
Nun hai esceiciones a la “amabilidá”: la competición nun xustifica nengún tipu de dañu físicu o psíquicu a naide nin a nada.
Aplica acaldía’l respetu y la “amabilidá” y reclámala a los tos compañeros. Nun dexes que naide te falte al respetu. Nun lo toleres ente los demás. Sé valiente, alza la voz énte los actos de violencia. Refuga’l racismu, el sexismu, la homofobia o cualesquier otru tipu d’humildación.
Xuega llimpio, xuega con toos.
Vas Ganar siempres y vamos ganar toos.
Uviéu, marzu de 2026.
- Nome del equipu:
- Persona firmante:
- Cargu:
Los 418 equipos de la Uviéu CUP
roblaren el Manifiestu d’Uviéu 2031 pola ‘amabilidá’
