Publicado en Horru

La Sociedá Popular La Regalina, VI Premiu Engüelgu

La Sociedá Popular La Regalina, premiada por Amigos del Horru pol so mimu al patrimoniu cultural y etnolóxicu d’Asturies. El colectivu considera ‘bien especial’ esta reconocencia que van recibir nuna gala en Candás onde tamién se recordará al so expresidente Marcos Fernández pol so defensa del horru del campu de La Garita LNE

La Sociedá Popular y Cultural La Regalina va recibir esti vienres el VI Premiu Engüelgu, que s’enmarca nos Premios Horru Asturianu que concede l’asociación de nome homónimu. La distinción al colectivu de Cadavéu busca reconocer la so dilatada trayectoria nel caltenimientu, promoción y espardimientu del patrimoniu cultural y etnolóxicu asturianu.

Fundada en 1953 pa caltener y espublizar el legáu de Fernán Coronas, el Padre Galu, la entidá desempeñó un papel fundamental na vida cultural de Cadavéu, calteniendo vivas les sos tradiciones y favoreciendo la tresmisión de la llingua, la lliteratura y les manifestaciones populares, señala l’acta del xuráu, que destaca especialmente’l so llabor na continuidá de la festividá de La Regalina, celebrada dende 1931, asina como el so compromisu cola protección del patrimoniu material, ejemplificado na defensa del horru del Campu de la Garita.

Precisamente, recuérdase asina la fazaña del colectivu vecinal quien, de la mano del Conceyu de Valdés, promovió a finales del 2020 la operación de rescate del horru, amenaciáu por un argayo nel cantil. Con éses desmontóse’l icónico inmueble y treslladóse unos metros tierra adientro pa garantizar la so supervivencia.

Implicación. Esti premiu reconoz non solo actuaciones concretes, sinón tamién el trabayu siguíu d’una asociación que contribúi a caltener la identidá cultural y la memoria colectiva del occidente asturianu, añede l’Asociación Horru Asturianu, quien tamién concedió una mención especial pa Marcos Fernández Suárez, vecín apocayá fináu y que foi presidente de la entidá mientres el rescate del horru. A Fernández reconózse-y el so compromisu con La Regalina y a la so implicación na defensa del horru del Campu de la Garita.

Nes sos redes sociales, la Sociedá Popular estima esta distinción que califica de bien especial y anima al vecinderu a acompaña-yos a la recoyida. La entrega de los premios va tener llugar el vienres 6 de payares, a les 18.45 hores, nel Centru Polivalente La Baragaña de Candás, nel marcu de les VIII Xornaes del Horru Asturianu.

Amás del VI Premiu Engüelgu, va apurrise’l Premiu Lliñu a Manuel Berdasco Menéndez y Marcu Berdasco Menéndez, pol so compromisu cola recuperación y puesta en valor de les construcciones tradicionales asturianes. Tamién se va llevar el premiu Cantapaxarín a títulu póstumu, Eloy Algorri García, arquitectu, investigador y divulgador del patrimoniu, pola so relevante trayectoria nel estudiu de l’arquitectura tradicional cantábrica, especialmente poles sos investigaciones sobre los horros y les técniques constructives de l’arquitectura popular.

Autor:

Maestra de Llingua Asturiana Colexu Carmen Ruiz-Tilve - Uviéu