- Alborecemos con intervalos nubosos entemcios ente dellos claros o abancios con unes temperatures que tan alrodiu de los 12ºC, rexistrándose nel puirtu Payares 3,1ºC.
- Güei vamos tener nel cielu nubes ya claros o abancios cola posibilidá de que caiga dalguna gotera, feble, ocasional ya dispersa con unes temperatures que van camudar poco ya col aire nordés que pue soplar con fuercia nes hores centrales del día, baxando entovía más la sensación térmica.
- Mañana llunes predominarán los grandes claros ya tendremos un día soleyeru pero fríu, yá con xelaes nes zones más favoretibles nel interior asturianu, amás l’aire nordés pue soplar cafiante en puntos del llitoral.
- El martes alboreceremos col cielu poco nuboso o escampláu y otra vegada con unes temperatures fríes. A lu llargu la mañana dirá entrando nubosidá pa dexanos el cielu tapecíu pela tarde con unes temperatures que van camudar poco, alcordes cola época na que mos atopamos.
- Nel riscar del miércoles un frente poco activu dexará precipitaciones febles en xeneral y raches fuertes de vientu gallegu, amás cola posibilidá de que nieve dalgo nes cumes más altes de la cordelera perriba de los 2000m. Durante’l día abriranse dellos claros peronde colaranse los rallinos de sol.