Publicado en Mapes

Los continentes

Los continentes / Considérase como continente a una gran estensión de tierra que s’estrema d’otres menores o somorguiaes por conceutos xeográficos, como son los océanos; culturales, como la etnografía; y l’hestoria de cada unu. La palabra continente provien del llatín continere, que significa «caltener xuntos» y deriva del terra continens, «les tierres continues». Lliteralmente, el términu refierse a una gran estensión de tierra firme na superficie de la Tierra. Asina, dellos modelos continentales consideren a Europa y Asia como dos continentes, ente qu’otros entienden Eurasia como un únicu continente y a Europa como una rexón xeopolítica.

España, tamos n’Europa

 

 

 

Nel modelu *geopolítico más utilizáu anguaño, reconócense seis continentes. De siguío, descríbense de volao les sos característiques:

  • Asia: ye’l continente más grande y tamién el más pobláu del mundu, con barganal del 54 % de la población global. Alluga una enorme diversidá cultural, xeográfica y relixosa.
  • África: el segundu más estensu, consideráu’l trubiecu de la humanidá. Tien una gran riqueza cultural, llingüística y ecolóxica.
  • América del Norte: inclúi Canadá, Estaos Xuníos y México. Ye una rexón con altu desenvolvimientu económicu y gran diversidá cultural.
  • América del Sur: destaca pola so biodiversidá, la so variedá sociocultural y por allugar la selva amazónica, el mayor monte tropical del planeta.
  • Europa: unu de los continentes más pequenos, pero de gran influencia histórica, política y cultural. Ye l’orixe de munches idees que marcaron la hestoria d’Occidente.
  • Oceanía: el continente más pequenu y menos pobláu. Ta compuestu per miles d’isles, incluyendo Australia, Nueva Zelanda y numberoses isles del Pacíficu.
  • Antártida: el continente más austral, cubiertu de xelu y con temperatures estremes. Contien más de la metá de l’agua duce del planeta y nun tien población permanente.Sicasí, esta división nun ye universal. Según el contestu históricu, educativu o científicu, reconócense otros modelos continentales.

 

Autor:

Maestra de Llingua Asturiana Colexu Carmen Ruiz-Tilve - Uviéu