La ciencia del cuentu

La ciencia del cuentu

La ciencia nun ye un cuentu, pero pue cuntase. En esti casu, al traviés del xéneru radioteatru. ‘La ciencia del cuentu’ ufierta al escuchante la posibilidá d’afayar conceutos científicos, esfrutando de la diversión qu’ufre un rellatu de ficción sonora.

El conteníu de los rellatos orixinales va revelar nociones ya idees del ámbitu científico-filosóficu, rellacionaos con la ciencia ficción distópica. La intención ye combinar estos dos ingredientes: el audiodrama como vehículu formal y la divulgación científica en cuanto al conteníu (remanando siempres conceutos elementales y fácilmente comprensibles pa tolos públicos).


Dos persones falen nun chigre sobre los «cristales de suañu», unos aparatos que permiten modificar la manera na que suañamos (por un módicu preciu). A lo llongo de la conversación, xurden traumes estremaos y problemes llegales… y tou con croquetes.

Les voces espertes: Xesús Rato, neurofisiólogu, sobre ‘Chigre El Calderón’

Les voces espertes: Ignaciu Llope, médicu psiquiatra, sobre ‘Chigre El Calderón’.

‘Chigre El Calderón’. Palabra de guionista. 🧐


Un enfermu terminal tien que decidir si toma «la pastiella», un medicamentu que detién la muerte de forma indefinida pero elimina la memoria a llargu plazu. Piérdese la capacidá de deprender. Fala con una médica robótica, una muyer de la familia, un enfermu que yá tomó la pastiella y un guía del Centru de Referencia.

Extractu del capítulu ‘La pastiella’. ‘El mio suspiru caberu’ de Luis Buñuel.

¿De quién ye la historia y por qué nun pueo sacala de la cabeza?’ del llibru de cuentos ‘Díes tarrecibles’ de A.M. Holmes.

Les voces espertes. Xesús Rato, neurofisiólogu, sobre ‘La pastiella’.


Un vampiru ye’l caberu habitante d’Asturies, a lo menos qu’él sepa, depués d’un apocalipsis ecolóxicu. Aliméntase de rates, palombes y muestres de sangre qu’arrampuña nos ambulatorios abandonaos. Ta esfamiáu y siéntese mui solu hasta que topa a otra persona, un adolescente, que-y xenera una dulda esencial: ¿debería bebelu inmediatamente, o convertilu nun compañeru de vida anque-y produza un deséu insaciable?

Beatriz Rayón, filósofa y escritora, fálamos sobre’l tema central del capítulu ‘Una casa en Prau Picón

Les voces espertes. Roberto González-Quevedo, antropólogu, sobre ‘Una casa en Prau Picón’.

Esto diz Xaime Martínez del capítulu ‘Una casa en Prau Picón’. 🦇


Traes d’afayala culpable d’un delitu d’inxurias conderguen a una muyer a permanecer embaxo «vixilancia celebral». Toles sos conexones neuronales tresmítense a un celebru de cristal y pueden ser observaes en cualesquier momentu polos axentes. Un axente puede en cualesquier momentu enchufase a esti celebru y lleer los sos pensamientos, ver lo que ella ve, sentir lo qu’ella siente, etcétera. Los investigadores asignaos a esti tipu de casos tienen que ser reemplazaos cada poco; esperimentar los pensamientos d’otra persona puede ser muy traumático.

Icíar Díaz, actriz, fálamos sobre’l tema central del capítulu ‘Ronda de metacrilatu’.

‘Ronda de metacrilatu’. Palabra de guionista. 🧐


El llingüista Noam Chomsky visita Asturies en 2035 pa recibir el Premiu Emperatriz d’Asturies. Al comer pote, alcuérdase d’una vegada, nos años 80, na que visitó Ponga porque una señora aseguraba qu’entre ella y el nietu conocen la Gramática Universal.

‘Noam Chomsky y una paisana de Ponga’. Palabra de guionista. 🧐

Les voces espertes. Xesús Rato, neurofisiólogu sobre ‘Noam Chomsky y una paisana de Ponga’.

¿Qué ye la Gramática Universal? Cristina Valdés, filóloga, fálamos sobre’l tema central del capítulu ‘Noam Chomsky y una paisana de Ponga’.


Un home acude a cortar el pelo a un centru de psicoestética. El peluqueru somete la so personalidá a un cuestionariu cuxos resultaos, pente medies de la oxetividá del métodu científicu, determinarán el corte de pelo ideal.

Pallabres, formes d’espresanos y la nuesa personalidá. Cristina Valdés, filóloga, fálamos sobre’l tema central del capítulu ‘Psicoesteta.

¿Cómo sedríemos si tresformáremos el nuesu celebru n’una máquina? 🤔 Fernando Villacampa, psicólogu, fálamos sobre’l tema central del capítulu ‘Psicoesteta’.

‘El pscioesteta’. Palabra de guionista. 🧐


Nuna nave xeneracional qu’abandonó la Tierra hai cientos d’años, repítese’l vieyu esquema de los cuentos tradicionales: una rapacina tien que superar unes pruebes pa casase cola muyer qu’ama.

Les voces espertes. Berto Álvarez Peña, escritor, sobre ‘Creta Nuevo’.

Esto diz Xaime Martínez del capítulu de mañana… ‘Creta Nuevo’.


L’emperador d’Asturies dictamina que los drechos nun correspuenden a cada individuu, sinón a cada «unidá ontolóxica» (i.e., una persona que se clonare o dixitalizare la so consciencia namás tendría drechu a la proporción del salariu mínimu interprofesional correspondiente al númberu de copies de sigo mesmu qu’existieren; daquién con un clon namás puede cobrar mediu SMI, etcétera). Tres d’esta decisión, los habitantes del Imperiu destrúin tantes copies de sigo mesmos como pueden, asesinando a los clones o esborriando les copies informátiques de la so consciencia que pudieren realizar.

Les voces espertes: Xosé Antón Suárez Puente, bioquímicu, sobre ‘Los repetíos’.

Esto diz Saúl F. Borel del capítulu de mañana… ‘Los repetíos’. 🤖 🤖


La lliteratura reptiliana n’Asturies (Un falsu documental a la manera de La literatura nazi en América). Dos presentadores d’un programa de radio traen a una collaboradora a falar de la lliteratura que facíen los reptilianos, que supuestamente vivienon una represión xenocida. A lo llongo de la emisión del programa, la collaboradora nun quier aprobar la versión oficial neo-fascista.

Les voces espertes. Beatriz Rayón, filósofa, sobre ‘La lliteratura reptiliana n’Asturies’.

Esto diz Xaime Martínez del capítulu ‘La lliteratura reptiliana n’Asturies (Un falsu documental a la manera de La literatura nazi en América)’.

 


El prestixu turísticu d’Asturies y la so despoblación son inversamente proporcionales. Pa igualo, un grupu d’empresarios propón convertir el suroccidente nun parque d’atracciones estrictamente realista de la época
romana. Los visitantes paguen por desempeñar roles (patriciu, esclavu, druida o rebelde) nuna réplica exacta de la sociedá del sieglu I d.C. La historia repítese, inevitablemente.

Les voces espertes: Ignaciu Llope, médicu psiquiatra, sobre ‘Traxedia, farsa, etc.’.

Les voces espertes. Xosé Nel Riesgo, xeógrafu y escritor sobre ‘Traxedia, farsa, etc.’.

Esto diz Xaime Martínez del capítulu de mañana… ‘Traxedia, Farsa, etc.’.

 


La protagonista ye doctoranda, especializada en documentación notarial de la Edá Media asturiana. Una selmana primero de depositar la tesis, la moza espierta del suañu na Edá Media. Namás tien con ella una pistola, con una bala sola. Espavoriada, discurre que dalguna entidá del futuru o d’otra llinia temporal fíxola viaxar en tiempu pa qu’asesine a un personaxe históricu determinante nel desarrollu de la civilización posterior gracies a los sos conocimientos de la época. Pero ¿a quién? ¿Quién la manda? Y sobre too ¿puede negase a facelo?

Les voces espertes. Beatriz Rayón, filósofa y escritora sobre ‘Procesu d’una doctoranda’.

Les voces espertes. Fernando Villacampa, psicólogu, sobre ‘Procesu d’una doctoranda’.

Procesu d’una doctoranda’. Palabra de guionista. 🧐


Tres personaxes alcuéntrense en persona depués de conocese nun forud’internet por motivos mui peculiares: los tres son viaxeros temporales, o lessos vides fonon influyíes polos viaxes temporales, a lo menos. Fáenseamigos y deciden construyir una máquina del tiempu.

Esto diz Saúl F. Borel del capítulu ‘L’acabose’. 💣 (SPOILER incluyíu 🤨 )


Un científicu descubre que nun puede haber ningún avance más na ciencia. La organización mundial de científicos unvia a un grupu a por él y secuéstrenlu. Interróguenlu, discuten sobre la ciencia y por último deciden que lo único que tienen que facer para que nun exista ye nun citar el so artículu.

Esto diz Fernando Martínez Lavandera del capítulu ‘Scicarios’.


Un escritor implántase una antena na cabeza que-y permite percibir el mundu de mou diferente. Esta tecnoloxía ciborguizante, sostién, ye ideal pa escribir poesía de manera óptima.

Xaime Martínez, escritor, fálamos sobre’l tema central del capítulu ‘Antena’.

Xesús Rato, neurofisiólogu, fálamos sobre’l tema central del capítulu ‘Antena’.

Xosé Antón Suárez Puente, bioquímicu, fálamos sobre’l tema central del capítulu ‘Antena’.

Esto diz Saúl F. Borel del últimu capítulu de ‘La ciencia del cuentu’, ‘Antena’. 🤖



El 13 de febreru celébrase’l Día Mundial de la Radio. Ye la nuesa compañera de vida. Dexa volar la imaxinación y fainos más felices.