Hai xente asturiano con unes capacidaes impresionantes, como ye l’exemplu de Corín Tellado, una escritora de lliteratura romántica que llegó a escribir unes 5000 noveles. 😱 Toes eses obres escribioles ente 1946 y 2009, y fueron traducíes a 27 idiomes. 📚 Con tantos exemplares vendíos, en 1962 la Unesco declaró-y la escritora española más lleida dempués de Miguel de Cervantes.
- Corín Tellado: wiki / web /semeyes
- Pipas Asturianas / Facebook
Ye l’autora más vendida en llingua española con 4.000 títulos publicaos a lo llargo d’una carrera lliteraria de más de 56 años. Foi traducida a 27 idiomes y considérase la madre de la novela d’amor. Amás, sol seudónimu d’Ada Miller, cuenta con delles noveles erótiques. Ye la dama de la novela romántica por excelencia, fai de lo cotidiano una gran aventura en busca del amor, envolubra a los sos protagonistes en situaciones de celos, medrana y amistá, y consigue que vivan los mesmos conflictos que los sos llectores.
😮 Xuna característica inigualable d’esta artista ye que yera totalmente capaz d’escribir delles noveles en tiempos bien curtios 📝…por eso tien tantes noveles publicaes.
La novela d’amor algama la so máxima espresión nes manos d’esta incansable escritora. Les sos noveles traten d’amor y desamor. Los sos personaxes son muyeres de güei que viven hestories romántiques, pasiones, aventures erótiques, matrimonios rotos… y lluchen siempres pola so felicidá.
A lo llargo de la so dilatada carrera lliteraria, cincuenta y seis años desque publicó la so primer novela’l 12 d’ochobre de 1946, Corín publicó unos 4.000 títulos, vendió más de 400.000.000 d’exemplares de les sos noveles y foi traducida a dellos idiomes. Bastante ye que figura nel Llibru Guiness de los Récords de 1994 (edición española) como la más vendida en llingua castellana.
Mario Vargas Llosa opina: «La vasta producción de Corín Tellado va quedar como amuesa d’un fenómenu sociocultural». Y eso ye lo que nun se puede negar a esta autora: la so condición de fenómenu sociolóxicu, más allá de les sos modes, cultures y los momentos históricos que traviesen los sos numberosos llectores.
Munchos factores son los que marquen la diferencia entre Corín Tellado y el restu de les «grandes dames» de la novela sentimental. Si Bárbara Cartland, Victoria Holt o Jude Deveraux afirmen que-yos gusta la sociedá y qu’inventen hestories romántiques pa poder vivir y sentir lo qu’atribúin a los sos protagonistes, l’ésitu de Corín mora na so facilidá pa consiguir que les sos llectores y llectores identifiquense colos personaxes de la so invención.
Corín fai de lo cotidiano xuna gran aventura en busca del amor, envolubrando a los sos protagonistes en situaciones de celos, medrana y amistá. Les trames de les sos hestories son desgarradores, llenes d’equívocos, y los sos homes y muyeres sienten pasiones: xunas veces amor y otros odiu; lo mesmo son arrogantes que se dexen abasnar pola cobicia. En resume: viven los mesmos conflictos que los sos llectores.
Los argumentos de Tellado nunca se desenvuelven n’escenarios románticos, exóticos o hestóricos, sinón tolo contrario: tienen llugar nuna dómina contemporanea a la de l’autora. Nes sos noveles reflexaba la realidá inmediata que la arrodiaba. «Alcordanza qu’a José Luis Garci faía-y muncha gracia que los mios protagonistes tuvieren coche, que les mios muyeres conduxeren nuna dómina en que n’España la costume inda nun taba estendida.» Corín foi pionera, tanto na so forma de vivir como na d’enfocar el so trabayu.
Trabayadora infatigable, pos mientres casi tola so vida escribió a diariu, sacante en rares y bien puntuales ocasiones. Nun ye d’estrañar que les protagonistes dexaren bien llueu d’esmolecese solo del amor, l’home, los fíos y el llar. Llama l’atención que les insufle de valor, coraxe y valentía. Les muyeres que dibuxa non s’amilanen énte les rotures, anque la mayor parte de les sos noveles acaben en boda; esixencia y llimitación del xéneru que cultiva.
