Publicado en Aniversariu, Escritores

1547: Naz Cervantes, del autor de «Don Quixote»

El 29 de setiembre de 1547 nació Miguel de Cervantes Saavedra n’Alcalá de Henares, Madrid.  Foi un novelista, poeta, dramaturgu y soldáu español, famosu pola so novela satírica Don Quixote, publicada en dos partes en 1605 y 1615, que ye considerada por munchos como la primer novela moderna por cuenta de la so innovadora estructura narrativa, el desenvolvimientu realista de los personaxes y l’esploración de la ilusión frente a la realidá. Considerada una de les meyores obres de la lliteratura universal, la so cantidá d’ediciones y traducciones solo ye superada pola Biblia.

Foi bautizáu’l 9 d’ochobre d’esi añu, circunstancia que mientres enforma tiempu xeneró discutinios sobro la fecha esacta de la so nacencia, anque la tradición biográfica y documental asitia la so llegada al mundu’l día de San Miguel. La so vida tuvo marcada pola movilidá, les dificultaes económiques y l’esperiencia militar.

Participó na batalla de Lepanto en 1571, onde recibió mancaes qu’afectaron permanentemente la so manzorga. Pasó depués dellos años cautivo n’Arxel. Intentó escapar en distintes oportunidaes antes de ser lliberáu en 1580.

Yá n’España desenvolvió una estensa actividá lliteraria y alministrativa, con períodos de precariedá económica. Publicó la primer parte de Don Quixote del Llurdiu en 1605 y la segunda en 1615. La obra combinó parodia, aventura, reflexón social y esploración de la psicoloxía de los sos personaxes, modificando les posibilidaes narratives de la prosa europea.

Cervantes tamién escribió Noveles exemplares, Los trabayos de Persiles y Sigismunda, La Galatea y diverses pieces teatrales y poétiques. Morrió en Madrid el 22 d’abril de 1616, anque mientres sieglos venceyóse’l so fallecimientu col 23 d’abril pola diferencia ente la fecha de muerte y la d’entierru. La so producción quedó incorporada al canon de la lliteratura en llingua española.

 

Autor:

Maestra de Llingua Asturiana Colexu Carmen Ruiz-Tilve - Uviéu