El proyectu RUPESTR3D presenta en Tito Bustillo recreaciones tridimensionales d’arte prehistóricu./ RUPESTR3D
Delles de les muestres d’arte rupestre, de les cinco cueves asturianes que son patrimoniu de la Unesco, yá se puen ver en 3D.
Gracies a la intelixencia artificial, xeneráronse modelos a dende semeyes y llueu creáronse les pieces nuna impresora 3D. Puen vese’l caballu del camarín de Candamu, los bisontes de La Covaciella o’l mamut d’El Pindal.
Güei presentáronse en Tito Bustillo, nunos talleres onde los participantes pudieron conocer y practicar la creación en tres dimensiones.
RUPESTR3D ye un proyectu de dixitalización y divulgación del arte rupestre qu’utiliza escanio 3D, fotogrametría ya intelixencia artificial para crear retruques físicos y modelos dixitales d’altu resolvimientu. La iniciativa, entamada por Nebra Eventos cola collaboración del Centru d’Arte Rupestre Tito Bustillo y financiamientu del Gobiernu d’Asturies, presentóse oficialmente’l 4 d’ochobre de 2026 en Ribesella.
El proyectucéntrase nes cinco cueves asturianes declaraes Patrimoniu Mundial pola UNESCO: Tito Bustillo, El Pindal, Covaciella, Llonín y La Peña de Candamo. Ente los sos oxetivos destaquen el caltenimientu non destructivu del patrimoniu vulnerable, la creación d’un repositorio dixital públicu y la facilitación del accesu al traviés de talleres prácticos y visualizaciones interactives pa museos virtuales y realidá virtual (VR).
