Asturies vuelve ser Mordor: l’AEMET alerta de orbayu en tola rexón, borrina y un descensu notable» de les temperatures. Les agües «van barrer» el xueves d’oeste a este’l Principáu y les máximes van rondar los 19 graos. LNE Tres díes d’afogadizu calor y récords de temperatura, orbayu, borrina y frescu.
Para esti martes, la AEMET yá alvierte d’un descensu localmente notable de los termómetros nel Cordal. Espérense cielos nublos, tendiendo a intervalos de nubes baxes a la fin del día. Les agües débil y esvalixáu van ser más frecuentes ya intenses nel este del Cordal.
Según el pronósticu de l’Axencia Estatal de Meteoroloxía (AEMET), el xueves van producise agües y bastios débiles, que «van barrer» la rexón d’oeste a este, provocando un descensu notable» de les temperatures, cuantimás nel interior. Les máximes, en contraste a les que se rexistraron la selmana pasada, nun van superar los 20 graos y la mayoría de puntos van tar nos 19 o inclusive per debaxo.
Baxen y vuelven xubir
Para mañana, miércoles, les temperatures, sicasí, volverán xubir, con máximes de 27 graos en Cangas o Navia. Uviéu, Xixón y Avilés van superar los 24. Según la predicción de l’AEMET, «va haber cielos pocu nublos pela mañana, sacantes delles nubes baxes na zona centro y mariniegues. Aumentu de nubosidad pela tarde, predominando la nubosidad baxa nel interior, que podría dexar gurrianes y borrines locales. Agües débiles y esvalixaes, más probables pela tarde. Na mariña, vientu de componente oeste, con dalgún intervalu d’intensidá fuerte pela tarde na mariña occidental».
El peor día, el xueves. El xueves va ser el peor día d’una selmana llena d’altibaxos. L’AEMET alvierte de un descensu notable de máximes en zones d’interior». «Cielos nublos o cubiertos. Probables gurrianes y bancos de borrina aisllaos, más persistentes nel Cordal. Agües, polo xeneral débiles, que van barrer la comunidá d’oeste a este. Temperatures mínimes ensin cambeos significativos; máximes en descensu xeneralizáu, notable nel interior. Vientu fluexu de componente oeste, de mayor intensidá na mariña». Los termómetros van tar nos 19-20 graos.
El tiempu va caltenese más o menos igual el vienres. Con cielos nublos, bastios débiles na mariña na primer metá del día y temperatures ensin cambeos significativos.
