Dos xixoneses conquisten París col so chicolate llibre d’alérxenos.
Les persones que tienen alerxes a la proteína de la lleche, al gluten o los frutos secos nun tienen nada fácil poder comer una delicia como’l chicolate con toles garantíes.
La Confitería Marqués en Madrid especializóse na fabricación de chicolate llibre d’alérxenos gracies a munches pruebes y investigación. Agora, los sos productos llegaron hasta la capital mundial de la pastelería, París.
Nel obrador de la Confitería Marqués la lleche, el gluten, la soya o los frutos secos tienen
prohibida dafechu la entrada porque faise chicolate llibre d’alérxenos.
Detrás tán los xixoneses Alejandro y Lourdes. Él, con una tradición pastelera de 25 años na Confitería Marqués. Ellí, en 2010 fueron precursores en dulces ensin alérxenos.
En 2014 instaláronse en Madrid, nel so obrador del barriu de Chamberí, onde faen tabletes, bombones y turrones pa toa España. Tamién países como Alemaña o Francia, onde’l so chicolate acaba d’aterrizar na pastelería ensin gluten más prestixosa de París.
Colos sos 15 tipos de chicolate siguen anovando. Non solo se beneficien los alérxicos, tamién los veganos o quien busque chicolate de calidá.
