La iniciativa recuerda’l calter astur de la ciudá. 7 díes /
Esti añu, l’acontecimientu va tener llugar del 23 de xunetu al 26. Pue consultar el programa completu nesti enllaz.
Astorga, conocida en dómina romana como Asturica Augusta, foi un importante enclave del Imperiu romanu gracies a la so bayura minera, especialmente pola esplotación del oru, y al so allugamientu estratéxicu n’importantes rutes de comunicación como la Vía de la Plata. Considerada una ciudá destacada por autores como Plinio’l Vieyu, desempeñó un papel relevante como capital del conventu xurídicu Asturicense.
L’actual fiesta d’Ástures y Romanos tien el so orixe en 1986, cuando se celebró’l 2.000 aniversariu de la fundación de la ciudá cola organización d’un circu romanu. A partir d’esa iniciativa surdieron les primeres tribus ástures y, en 2004, creóse l’asociación encargada d’entamar la recreación histórica.
Dende 2005, l’eventu celébrase col so formatu actual mientres la última fin de selmana de xunetu y, en 2011, foi declaráu Fiesta d’Interés Turísticu Rexonal en Castiella y Llión. Na actualidá, l’asociación axunta a más de 1.500 socios y sigue impulsando esta celebración que revive’l pasáu ástur de la ciudá.
