En 2015 fiximos una esposición sobro fotografía y trabayu infantil n’Asturies. Nun ye fácil llograr imaxes de neños y neñes trabayando. Ye una actividá invisible. Gracies a la fototeca del muséu pudimos conocer esa realidá. Agora, nel númberu dedicáu a Asturies de la revista «Les maravíes d’España», publicada en 1916, atopamos esta fotografía de la xastrería Casa Rivera, de Xixón , na qu’apaez un botones o «neñu de los recaos».
El neñu tien unos 11 años, va vistíu con uniforme y gorra, abraza un paquete y ta asitiáu fora del mostrador, pos el mostrador yera un espaciu pa los adultos. Esta revista foi adquirida apocayá pol muséu. Muséu del Pueblu d’Asturies
Retratu d’una familia na so casa.
Fotografía: Rojo Borbolla. Colección del Muséu.
