Espérennos unes xornaes nes que les temperatures van ser inclusive veraniegues. Les máximes van xubir siquier 6 ºC en prácticamente tol Principáu, pero na zona centro d’Asturies l’ascensu va poder ser d’hasta 10 ºC respectu al miércoles. Les mínimes tamién van esperimentar un ascensu pero va ser más moderáu. Con éses prevese que se lleguen a algamar los 30 ºC na nuesa rexón, y nun se refuga que puedan superase pudiendo llegar a los 32 o 33 ºC. Los vientos van predominar de componente sur, especialmente nel cordal onde podríen soplar con intensidá moderada. Pela tarde podría aumentar la intensidá de les raches de vientu de componente oeste na mariña.
El vienres van siguir xubiendo les temperatures y fadránlo 2 o 3 ºC más polo que se van llegar a rexistrar máximes d’hasta 35 o 36 ºC na nuesa rexón.
Para la fin de selmana, anque nun primer momentu taba previstu un descensu importante, agora los modelos meteorolóxicos agoren un descensu muncho más prudente asina que vamos rondar los 28/30 ºC tantu’l sábadu como’l domingu, ya inclusive los primeros díes de la próxima selmana.
