- Alborecemos col cielu poco nuboso o escampláu y delles nublines no fonderu los valles, con unes temperatures que tan alrodiu de los 11ºC, rexistrándose nel puirtu Payares 5,8ºC
- Güei vamos tener poques nubes en xeneral, predominando’l cielu poco nuboso o escampláu con unes temperatures másimes n’ascensu, yá perriba de los 25ºC, sicasí nel llitoral l’aire nordés pue soplar cafiante y baxar la sensación térmica.
- Mañana xuevesla masa d’aire cálidu procedente del norte d’África invadirá toa Asturies faciendo que se disparen les temperatures, sobre too na fastera central asturiana onde sobre pasaremos los 30ºC nes hores centrales del día. El cielu tará poco nuboso anque con nubes de desendolque pela tarde na cordelera y nublines d’advención na costa a partir del mediudía.
- El vienres sedrá un día mui asemeyáu con muncho calor y unes temperatures que suben entovía más, averándose a los 35ºC en zones del interior asturianu con nubosidá de desendolque que malpenes nublará’l cielu.
- Sábadu ya domingu baxen dalgo les temperatures pero seguiremos pasando calor, amás cola posibilidá de xarabatos tormentosos durante la tarde del sábadu pero esto yá lu diremos viendo.
