🐎 Marta nació «ente vaques y caballos» y nunca quixo ser otra cosa que veterinaria equina. La so pareya tamién creció ente animales y formóse pa tratalos. Xuntos montaron un hospital pa caballos n’Asturies tres una llarga carrera de torgues. El Fielato / LNE
El proyectu de Marta Amandi y Millán de Ancos, un centru de salú equina integral únicu n’Asturies, echa a andar dempués de trés años enredáu nun llaberintu burocráticu que-yos fixo pensar en refundiar la toalla.
Hospital Equín Algara: Facebook / Instagram / Presentación / 📞 625142512 / 📞 635221502 / 🌐 hospitalequinoalgara.com / 💻 info@hospitalequinoalgara.com / 📍 Ubicación: Maoxu , 7 33313 – Villaviciosa
Marta nació «ente vaques y caballos» y nunca quixo ser otra cosa que veterinaria equina. Terminada la carrera, con formación extra y esperiencia adquirida n’Irlanda y Bélxica, «tenía un bon currículum» y munches posibilidaes d’atopar un bon trabayu n’Europa, pero n’Asturies taben los sos caballos, la so casa y la so pareya, asina que decidió entamar equí al pie de el so home. Millán tamién creció ente animales, pero nun s’inclinó pola Veterinaria hasta’l bachilleratu. Probó les clíniques de pequeños animales y les de bovín y quedóse pa siempres na d’equín.
Esta construcción bien nueva, toa blanca, llimpia y relluciente, que llevanta los sos setecientos metros cuadraos nuna finca de 33.000 en Casquita (Villaviciosa), empezó a nacer va cinco años a más de 1.500 kilómetros d’equí. En Bélxica. Marta Amandi, veterinaria especializada n’equinos, maliayesa d’equí al llau, taba trabayando nun centru belga de reproducción con clínica ecuestre y nel meyor sentíu figuráu cayer del caballu. Vio’l so futuru. «Decidí que lo qu’había ellí yera lo que yo quería equí» y atopó naquella idea’l camín de vuelta a casa.
Nun foi dicho y fecho, nin bien de menos, pero ella y el so home, Millán de Ancos, uvieín y tamién veterinariu, consiguieron a la fin llevantar nesta llomba de la parroquia de Grases un hospital equín pioneru n’Asturies, «un centru que concentra tolos medios necesarios p’atender cualquier problema médicu que tenga un caballu». Nun foi fácil, pero a falta de completar l’equipamientu, equí yá hai un quirófanu y un llaboratoriu, boxes de cuidos intensivos o círculos de trote en superficie dura y blandia pa evaluar coxeres.
El suañu llámase Hospital Equín Algara y el nome yá lu traía puestu la finca, pero l’azar quixo ensamblar delles pieces, porque algara ye una palabra d’orixe árabe que designaba a la tropa a caballu que salía a escalar les tierres enemigues… Tou encaxa.
Algara tien el centru de reproducción en marcha y espera que’l quirófanu y el restu de los servicios algamen el grau máximu de operatividad ente’l final de la primavera y los entamos del branu, en cuanto rematen los últimos retoques y reciban dende Francia o Finlandia la maquinaria bien específica que precisa xuna instalación d’estes característiques: una mesa de quirófanu que pueda soportar más d’una tonelada de pesu, hidráulica y acolchada por que’l caballu pueda tar baltáu ensin riesgu de mancadures, y ente otros preseos una máquina d’anestesia enorme, que sía capaz de mover seis llitros d’aire per minutu…
Marta Amandi y Millán de Ancos. Miki Lopez
Va tomando forma, a la fin, el proyectu de dos profesionales qu’exercíen la veterinaria rural a casa, curando caballos por separáu, hasta que decidieron que yera’l momentu d’entamar xuntos. Él tien 36, ella trenta y l’hospital ye la so alternativa p’ameyorar el serviciu y l’atención, atender a la demanda creciente d’un sector en puxanza n’Asturies y dexar de trabayar en xornaes que-yos obligaben a «salir de casa a les siete o les ocho de la mañana y volver dacuando a les diez, once o dolce de la nueche dempués de faer medies d’ente 400 y 600 kilómetros diarios», calcula Millán.
El cambéu de vía, queda dichu, nun foi fácil. Agora yá tán equí los primeros inquilinos, «Moru» y «Ubiña The Reason», un burguete y un angloárabe, dos sementales que pasaron la so cuarentena nel centru y qu’agora tienen la compañía de «Ñerón», un hispanobretón, y «Reverend fly», un semental de saltu KWPN.
Millán y Marta pueden alendar por fin solliviaos. Porque’l partu foi complicáu y la duración del trayectu que tuvieron que percorrer al traviés de los pericuetos de la burocracia asturiana punxo bien seriamente a prueba la so paciencia y la so ilusión. El resume rápidu del perllargu y revirado procesu p’abrir un negociu pioneru na zona rural asturiana fueron trés años de trámites y ente seis y ocho meses de construcción…
Foi pasándose-y el tiempu soterraos en papeles». Los plazos desesperáron-yos ente consultes al Conceyu, a la Comisión d’Urbanismu y Ordenación del Territoriu, a Carreteres, a la Confederación Hidrográfica -«hubo que pidi-yos siete informes, anque pequí nun pasa nengún ríu»-, a Patrimoniu, «porque la parte de baxo forma parte del Camín de Santiago»… Tuvieron qu’arrenunciar delles vegaes a les ayudes del plan Leader porque nun-yos llegaren los permisos y pensaron n’abandonar, claro.
«Delles vegaes», reconoz Marta. «Tuvi delles ufiertes de trabayu y pensé en preparar el currículum y unvialo, porque taba bien cansada». Por eso y porque tienen un colega en Castiella y Llión con un proyectu como’l suyu y «en seis meses tenía los permisos. Él arrincó un añu antes y xusto cuando nós tábamos empezando colos nuesos permisos yá taba abriendo l’hospital».
A lo último xustu antes de la pasada primavera llegó la llicencia y «asina tener punximos la primer piedra». La construcción acabó, pero la batalla alministrativa nun concluyó del tou, ente otres razones porque inda esperen a que’l Conceyu de Villaviciosa asfálte-yos los accesos. Lo que sí funcionó foi l’ayuda del plan Leader, xestionada al traviés de l’Asociación pal Desenvolvimientu Rural Integral de la Contorna de la Sidra, que-yos financió’l 35 per cientu de la inversión…
