- Alborecemos col cielu nuboso yá inclusu lloviendo en delles zones de la cordelera con unes temperatures fríes pa la época na que mos atopamos, alrodiu de los 11ºC, rexistrándose nel puirtu Payares 3,1ºC
- Güei va dir n’aumentu la nubosidá de sur a norte, dempués d’una mañana con dellos claros o abancios, pa dexanos xarabatos de calter tormentosu durante la tarde, irregularmente repartios pero sedrán xeneralizaos na mayor parte d’Asturies. Podrán venir acompangaos de xarazu y truena, sobre too na cordelera onde llocalmente puen ser fuertes. Les temperatures en descensu con una cota de nieve que rondará los 1900-2000m. L’aire sedrá sele ya variable, sicasí durante los xarabatos pue tener calter moderáu y racheáu.
- Mañana llunes vamos tener una mañana más seliquina con dalgún claru o abanciu y temperatures n’ascensu al mediudía con aumentu de la nubosidá pela tarde que pue dexanos dalgúnos xarabatos tormentosos de nuevu pero menos intensos y xeneralizaos que güei.
- El martes seguiremos baxo esta inestabilidá atmosférica con lluvies y xarabatos tormentosos que puen ser llocalmente fuertes y venir acompangaos de xarazu y aparatu elléutricu, más frecuentes ya intensos nel interior y cordelera con unes temperatures que baxen llixeramente.
- El miércoles va tar nuboso pero malpenes tendremos precipitaciones con unes temperatures que van seguir baxes pa la época na que mos atopamos y paez que’l xueves ya vienres si nun camuda la cosa tendremos unos díes ivernales con precipitaciones abondoses y nevaes tan solu perriba de los 1000m na cordelera pero esto yá lu diremos viendo.
