Empieza la campaña de vacunación pa menores de 6 meses a 13 años.
Asturies empecipia la campaña de vacunación nun contestu onde crecieron los casos de gripe y virus respiratorios. A partir de güei, un asistente virtual va empezar a citar pa la inmunización a los residentes en centros sociosanitarios y, como novedá, tamién a la población infantil d’ente 6 meses y 13 años.
La Conseyería de Salú reconoz un aumentu de los casos, anque señala que la situación nun ye preocupante, y anima a la población a vacunase. La segunda fase de la campaña va empezar el 13 d’ochobre pa los mayores de 80 años.
A partir del 26 d’ochobre, va ser la vez de les persones mayores de 60 y de los que, con menor edá, presenten enfermedaes o condiciones consideraes de riesgu.
