Asturies prepárase para siguir l’eclís solar d’agostu

 https://eclipseasturias2026.ficyt.es 

Un mapa de puntos estratéxicos, un congresu, concursos y charres: tolo que prepara Asturies para siguir l’eclís solar d’agostu y al so hermanu ximielgu del 29 d’abril. A finales de mes el sol va tar na mesma posición nel Principáu nel horizonte que va ocupar el día del fenómenu astronómicu.LNE /. Amás, desenvolvióse un logo específicu: «#Eclipse Asturies 2026. El Cielu dende’l Paraísu». El Comercio /

Acontecimientu históricu Como yá se sabe, l’eclís d’agostu ye históricu: ye’l primeru que se repara dende la Península Ibérica dende 1905 y nun volverá repitise n’Asturies antes de 2180. Por cuenta de la so posición xeográfica, el Principáu ufierta condiciones úniques de visibilidá, yá que tol territoriu va tar incluyíu n’escuridá total, esto ye, la Lluna va cubrir el Sol dafechu mientres un curtiu periodu de tiempu. Eso sí, podrá vese bien si les nubes habituales del cielu ástur, qu’apaecen anque sía agostu, dexen. Toca, como primer pasu, cruciar los deos.

Teniendo en cuenta que’l Principáu va ser una rexón privilexada para esfrutar d’esti fenómenu históricu, tomen nota porque dende’l Gobiernu rexonal ellaboróse un plan qu’engloba un mizcu de too: dende la divulgación científica hasta una cuenta trás o un mapa colos puntos más seguros para velo.

Una web específica para l’eclís. Con tanta información lo que se fixo ye crear una páxina web específica que nun se queda no básico. Ta impulsada pola Investigación Científica y Tecnolóxica (FICYT).

• Incorpora una cuenta trás en tiempu real
• Accesu a mapes *interactivos por conceyos con datos precisos sobro l’entamu y la duración del eclís
• Material educativo afechu por niveles por que toos los públicos tean informaos de qué ye lo que va pasar.
• Una guía de bones práctiques por qu’haya esfrute pero con total seguridá. Sobremanera incidiendo na salú ocular.
• Una axenda con actividaes pa nun perder absolutamente nada

A última hora, va ser la puerta d’accesu al eclís n’Asturies y va arrexuntar toles actividaes que se desenvuelvan nel territoriu. Por ello, va cuntar con una actualización constante y va ponese a disposición de conceyos ya instituciones por que puedan sumar a ella les acciones venceyaes al eclís. Amás, desenvolvióse un logo específicu: Eclipse Asturies 2026. El Cielu dende’l Paraísu.