Sentir Asturies

A partir del 9 de Febreru

Magacín de la RPA presentáu por Arantxa Margolles ya Inaciu Galán.

¿Cuándo? >>> Los martes y miércoles de 23:30 a 00:30 na RPA.

¿Ónde? >>> Busca la frecuencia de la to zona o siéntinos na web de RTPA.

SENTIR ASTURIES ye un programa fechu por xente mozo, que nun escaez por ello la relevancia de la esperiencia, col asturianu como idioma vehicular y plantegáu non solo pa falar d’Asturies, sinón pa falar de tolo qu’esmolez ya importa al oyente, pero dende Asturies: l’actualidá, la cultura, la ciencia y l’ociu; l’alderique políticu y social. Y too con munchu humor, que nun quier dicir falta de seriedá: los collaboradores son espertos y bonos divulgadores al empar, respetaos nos sos ámbitos pero que tamién van saber llegar al oyente na so casa de forma amena y divertida. ¿Apúnteste a siguilos?


Moda, Historia, «lleendes urbanes» y muncho arte pa entamar a Sentir Asturies. Arrancamos col nuesu particular filandón al que se suma’l charrán profesional David Fernández. Coneutaremos con Berlín con Xuan Nel Turiel que nos desmonta los mitos alrodiu la eficiencia alemana. Y tamién sobro desmontar coses, nesti casu la Historia, encargase l’historiador mierense Faustino Zapico pa desaniciar mitos tan vieyos como actuales como’l tierraplanismu. Charramos con Lucía Montejo, responsable de Hojas de Acanto ya historiadora del arte, sobre’l papel de la muyer nes representaciones artístiques. Y finamos con Llucía Miravalles, diseñadora de moda maliaya responsable de Ringo Rango, cola que percorremos les nueves tendencies de la temporada usando The Bridgerton, la serie de moda a mou d’escusa. Y, como somos un programa nuevo que nun escaez la radio de tola vida, tenemos radioteatru cola obra «Amor nel Náutico de Salinas», interpretada por Lucía Carracedo, Pedro Fernández, Lluís Antón González, baxo la direición de Sergio Buelga y col patrociniu del Ayuntamientu de Castrillón.


Arrancamos col nuesu particular filandón al que se suma’l charrán profesional David Fernández. Entamamos cola primer entrevista nel diván de Galán con Rodrigo Cuevas, l’artista más conocíu y reconocíu del panorama musical asturianu col que percorremos la so vida tres de les canciones que-y marcaron. Y d’un artista pasamos a otra, Pilar Sánchez Vicente, cola que nos averamos a Carlos IV, la prohibición de los toros y algo de que nun sé quiénes son unos lladrones.

Y tamién hai tiempu pal ociu y por eso Iván Llera nos avera a les novedaes de la televisión, de la pantallina.

Y si falamos de pantallina, hai que lu facer de la pantallona, al que nos avera Vítor Suárez coles sos propuestes cinematográfiques. Y como la radio tien de ser un mediu d’ida y vuelta, pesllamos el programa col nuesu particular consultoriu resolviendo les duldes de los oyentes unviáes al nuesu Whatsapp.


Entamamos con un homenaxe a Juan Luis Nepomuceno, col que tanto disfrutamos y a quien dedicamos esti programa. Nel filandón abordamos les noticies menos noticiables col nuesu charrán profesional, David Fernández. Dende’l coral d’Europa vamos conocer col nuesu corresponsal n’Alemania, Xuan Nel Turiel, la hestoria del checkpoint Qualitz. Pintamos la nueche de moráu p’arrancar el cursu de «Feminismu pa dummies» con Jennifer Berrocal, de l’asociación Reflexu de Mieres. Aprovechando les feches, desmontamos la historia con Faustino Zapico recordando la figura d’Amadeo de Saboya. Como tamién nos presten les moderneces y los presumicios, percorremos con Llucía Miravalles, de Ringo Rango Shop, les nueves tendencies de moda amosaes por Valentino, a ritmu de Massive Attack y con eso del «hate dressing» que nos dexó l’andanciu. Y pa finar, como cada selmana, una nueva entrega del nuesu radioteatru. Nesti capítulu «Pasión nel castiellu de Gauzón», dirixía por Sergio Buelga, col patrociniu del conceyu de Castrillón ya interpretada por Lucía Carracedo, Pedro Fernández y Lluis Antón González.


Acaba un Antroxu que nun ye Antroxu y dende Sentir Asturies intentamos que nun se note muncho. Entamamos col filandón nel que’l nuesu charrán profesional, David Fernández, métese nun endegüeyu colos compañeros de «Desayuno con liantes». Dende Colombia y dende Italia estrenamos corresponsalíes con Andrés Toro y Bárbara Biagioli, que nos falen dende la distancia na nuesa llingua. Pel diván de la nuesa terapia musical pasa Cristina del Valle, cantante asturiana perconocía nel panorama musical poles sos canciones n’Amistades Peligrosas. Como nun podemos escaecer que ye Antroxu, vamos recordar con Pilar Sánchez Vicente les prohibiciones que tuvo esta folixa a lo llargo de la historia, cómo foi el primer antroxu tres la democracia y, como non, falaremos de les comadres. Con Iván Llera conocemos les novedaes de la televisión na pantallina y con Vítor Suárez facemos quiniela de lo que puede pasar nos Oscar. Y, como cada miércoles, finamos col consultoriu de los nuesos oyentes qu’esta vez remóntase a duldes propies de los albores de la Humanidá.


  • Programa 5

Comentamos l’actualidá menos normal col nuesu charrán profesional, David Fernández, al que se sumen los despistes de Marcos Salazar. Cola resaca del Día Internacional de la Llingua materna vamos conocer col nuesu corresponsal n’Alemania, Xuan Nel Turiel, la llingua sorbia, una de llingües minorizaes d’esi país. Pintamos la nueche de moráu con otra lleición del cursu de «Feminismu pa dummies» con Jennifer Berrocal, de l’asociación Reflexu de Mieres, cola que percorreremos el movimientu sufraxista y la concepción de la violencia anguñu y nos entamos del movimiento feminista. Con Faustino Zapico seguimos desmontando la Historia y los falsos históricos alrodiu los Illuminati. N’Asturies sabemos muncho d’ocalitos, asina que nes moderneces y los presumicios de Llucía Miravalles, de Ringo Rango Shop, vamos conocer el lyocell, un texíu mui de moda fechu a base d’esti árbol. Y como n’Asturies, aparte d’ocalitos, lo que tenemos ye munchos quesos, vamos falar col cineasta Pablo Casanueva y el cocineru Lluis Nel Estrada sobro la so nueva serie “Tierra de quesu” que mañana estrenen na TPA. Acabamos, como cada selmana, con una nueva entrega del nuesu radioteatru. Nesti capítulu «Descensu real n’Arnáu», dirixía por Sergio Buelga, col patrociniu del conceyu de Castrillón ya interpretada por Lucía Carracedo, Pedro Fernández y Lluis Antón González.


  • Programa 6

Arrancamos el programa col nuesu filandón al que s’axunten los charranes de David Fernández y Marcos Salazar. Comentamos el conflictu diplomáticu abiertu col programa hermanu «Desayuno con liantes». Conectamos colos nuesos corresponsales Bárbara Bagioli que nos enseña cómo facer un bon café italianu y dende Colombia lléganos el desafíu d’Andrés Toro pa que faigamos arepes. Pela terapia musical del nuesu diván de Galán va pasar Silvia Quesada, perconocía voz de la música asturiana. Con Iván Llera averarémonos a les novedaes de la televisión, nesti casu la carrera a Eurovisión y con Vítor Suárez falaremos de cine y de los Globos d’Oru que s’entreguen nunos díes. Pilar Sánchez Vicente aprovecha la efeméride del cuarenta aniversariu del 23-F pa falar de los güelpes d’estáu na nuesa hestoria. Y del cine pasamos al teatru porque falamos con Estrella R. y Jorge Arche, de Kamante Teatro, qu’estrenen la obra «Anatomía de una habitación propia» na Llaboral onde reciben una residencia del Centru de Recursos Escénicos del Principáu d’Asturies. Y pa finar, como cada miércoles, pesllamos el programa col nuesu consultoriu de duldes de los oyentes.


  • Programa 7

Arrancamos marzu y nun sabemos si marcea o mayea, pero sí que ya miramos de regüeyu a la primavera. Y eso nótase porque nel nuesu filandón los charranes de David Fernández y Marcos Salazar tan especialmente revueltos. Como revuelta tuvo Alemania en tola so historia ente lo xermánicu y lo eslavu como nos cuenta Xuan Nel Turiel dende Berlín. Revuelta anda tamién la nuesa audiencia, sobre tóo Rosa Suardíaz que sigue mandándonos los sos particulares conseyos al programa. Con Jennifer Berrocal, de l’asociación Reflexu de Mieres, averámonos al afrofeminismu y a la doble mochila por ser muyer y racializada. Seguimos desmontando la Historia con Faustino Zapico y esta vez averámonos a qué hai de verdá nel perconocíu derechu de pernada. Nun dexamos lo medieval porque cola historiadora del arte Lucía Montejo vamos averanos al arte medieval y, en concretu, al menos conocíu desendolcáu poles monxes. Pegamos un saltu al presente y futuru pa percorrer con Llucía Miravalles, de Ringo Rango, películes que falen de moda y de lo qu’ella más sabe: moderneces y presumicios. Y finamos, una selmana más, col nuesu radioteatru. Nesti capítulu “El camín de Don Gaspar. Parte 1”, dirixía por Sergio Buelga, col patrociniu del conceyu de Castrillón ya interpretada pol propiu Sergio Buelga y Lluis Antón González.


  • Programa 8

Algamamos l’ecuador de la selmana y afrontámoslu col nuesu filandón nel que David Fernández y Marcos Salazar mos despliquen les novedaes nel conflicto diplomáticu col programa matutino “Desayuno con liantes”. Conectamos colos nuesos corresponsales pel mundu: Bárbara Baglioli va contanos dende Italia cómo son les famoses carreres de caballos de la ciudá de Siena y Andrés Toro dende Colombia va falanos de l’orixe del 8M que se cellebra la prósima selmana. Pel diván de Galán pasará Arantxa Nieto, rostro conocíu de la TPA, a la que-y fadremos la nuesa particular terapia. Na pantallina d’Iván Llera falaremos de frases mítiques de la televisión que pasaron al llinguaxe colectivu, tanto de les teles xeneralistes como de la nuesa TPA. Y na pantallona de Vítor Suárez falaremos de placeres culpables, d’eses películes qu’ensín ser bones, vemos una y otra vez. Tamién tenemos los retayos d’historia de Pilar Sánchez Vicente nos que güei nos ponemos metafísicos nun viaxe dende Giordano Bruno al reló de la fin del mundu y a les grandes duldes de la humanidá. Y pa finar, como cada miércoles, consultoriu pa resolver les duldes de los nuesos oyentes.


  • Programa 9

Inda sonando les reivindicaciones del 8 de marzu, Día Internacional de la Muyer, arrancamos col nuesu filandón d’actualidá al que s’incorporen, ente otres, Alma Hidalgo y Maggy García. Como cada martes asomámonos a les moderneces y presumicios con Llucía Miravalles que nos fala de muyeres con muncho ringo rango en dos de les firmes más conocíes de la moda: Chanel y Dior. Cola historiadora del arte Lucía Montejo conocemos la iniciativa entamada pola Plataforma “La Roldana” que trabaya por visibilizar ya incluyir nos currículos educativos a les artistes olvidaes a lo llargo de la Historia. Con Jennifer Berrocal tenemos una lleición nueva del cursu de feminismu pa dummies averándonos a l’orixe del 8M. Claudia Gutiérrez desplícanos les dificultaes nel deporte femenín onde se caltienen actitudes discriminatories. Les mesmes de les que nun se llibren tampoco los contestos virtuales onde Blanca Fernández, cosplayer y gamer, tien una bayurosa experiencia de lo que ye’l machismu nel mundu los videoxuegos. Y pa finar, como la ciencia tamién s’escribe en femenín, la bióloga Ánxeles Rodríguez falarános del por qué de que se muevan les plantes. Y asina, de sópitu, una hora sintiendo l’Asturies que fala con voces de muyer.


  • Programa 10

Tres el matriarcáu proclamáu nel programa anterior, reincorpórase Inaciu Galán a copresentar el programa con Arantxa Margolles y, al filandón, vuelven Marcos Salazar y David Fernández colos qu’analizaremos l’actualidá o intentarémoslo. Como cada miércoles conectamos con Italia dende onde Bárbara Biaglioli encamentarános a conocer Venecia y, dende Colombia, Andrés Toro fairános un repás de los oríxenes del chicolate, tan importante na hestoria americana. Pela terapia musical del nuesu diván pasará l’actor asturianu David Blanka, qu’inda arrastra la resaca de los Premios Goya onde «Ane», la película na que participó, algamó tres de los cinco premios a los que taba nominada. Iván Llera fadrá que nos asomemos a la pantallina y falaremos del recién estrenáu documental «Nevenka» sobre’l casu d’acoso sexual nel Ayuntamientu de Ponferrada que sacudió la opinión pública d’entamos de los 2000. Con Vítor Suárez vamos seguir confesando placeres culpables del cine con toes eses películes que, siendo males, nun podemos dexar de ver. Seguimos recuperando retayos d’historia a traviés de les efemérides con Pilar Sánchez Vicente que güei nos recuerda la Constitución de Cádiz de 1812 y a Fernando VII. Nel radioteatru tendremos la segunda y última parte de «El camín de Don Gaspar» interpretada por Sergio Buelga y Lluís Antón González, col patrociniu del Conceyu de Castrillón. Y rematamos, como cada miércoles, col nueso particular consultoriu de duldes de los oyentes.


  • Programa 11

Arrancamos un nuevu programa nel que como cada selmana tendremos el nuesu particular filandón nel que Marcos Salazar y David Fernández nos amosarán la so particular visión del mundu y de l’actualidá. Conectamos con Berlín pa que’l nuesu corresponsal Xuan Nel Turiel nos cuente una de les fake news más rares de la capital xermana. Con Faustino Zapico seguimos desmontando falsos mitos históricos y güei toca-y a les pirámides d’Exiptu. Avanzando un poco nos sieglos con Lucía Montejo falaremos d’arte y de la monxa Claricia. Damos otru saltu y rozando ya’l presente percorremos la moda d’entamos del mileniu con Llucía Miravalles de RingoRango. Tendremos una nueva lleición de feminismu pa dummies con Jennifer Berrocal que güei abordará la primer parte del pallabreru feminista. Cola bióloga Ánxeles Rodríguez vamos conocer les especies invasores n’Asturies. Y con Marga Pedrayes averámonos a una hestoria de sidra cola so novela «Baxo’l pumar» que ta a piques d’espublizase.


  • Programa 12

Cúmplense estos díes 18 años de la invasión d’Irak, una de les sacudides polítiques y sociales más importantes nel entamu del mileniu. Vamos facer alcordanza d’ello nel filandón y, como nun son hores pa ponese murnios, tamién vamos averanos a l’actualidá más divertida con Marcos Salazar y David Fernández. Facemos conexón internacional con Andrés Toro dende Colombia que nos fala de pintura rupestre y con Bárbara Biaglioli dende Italia que nos cuenta la curiosa hestoria del fundadora de Lamborghini. Pasará pel nuesu diván a facer terapia musical Anabel Santiago, una de les voces más conocíes de la canción asturiana. Con Pilar Sánchez Vicente seguimos recuperando efemérides nos sos retayos d’historia nos que güei nos averamos a la Inquisición. Vítor Suárez va falanos d’eses secueles interminables nel cine. Y, como cada miércoles, tenemos consultoriu que güei ye más llargo porque se nos acumulen les duldes ya inquietudes del oyente.


  • Programa 13

Llegó la primavera y nótase nos nuesos collaboradores que lleguen más faladores que nunca. Estrenamos seición con Marcos Salazar de coses «random» coles que romper el xelu y con David Fernández averámonos a les noticies absurdes del mundu. Tenemos la segunda parte del pallabreru feminista con Jennifer Berrocal nel so cursu de feminismu pa dummies. Seguimos desarmando la historia con Faustino Zapico qu’agora tomóla colos vikingos. Nel percorríu poles muyeres artistes vamos conocer a Plinio y les muyeres n’antigüedá con Lucía Montejo. Pegamos un saltu al arte de la costura con Llucía Miravalles de RingoRango que nos fala de Balenciaga. Con Ánxeles Rodríguez, la nuesa bióloga y educadora ambiental, vamos conocer la importancia de protexer los inseutos. Y como aparte de sentir, tamién vemos, ponemos un güeyu pala tele y falamos con Carlos Alba «Cellero» responsable de «Animalada xabaz», el nuevu programa pala reciella que ta a piques d’estrenar TPA.


  • Programa 14

Llegamos a la metá de la selmana con tiempu revueltu, pero non tan revueltu como tenemos el programa. Arrancamos coles noticies absurdes del mundu que nos trae David Fernández. Coneutamos con Bárbara Biaglioli que mos cuenta les tradiciones tipiques de la Selmana Santa n’Italia y con Andrés Toro que nos fala del bocadiello beleño y lo poco que se parez a lo que nos conocemos por bocadiellos. Tenemos terapia musical nel diván col escritor y axitador cultural Dolfo Camilo Díaz. Con Pilar Sánchez Vicente seguimos percorriendo la hestoria a traviés de les efemérides, que güei s’averen al güelpe d’estáu de Videla n’Arxentina. Conocemos les novedaes qu’aporten a la televisión estos díes con Iván Llera. Falamos con Pelayo Rodríguez, autor de «Una sentencia llamada bullying» que nos contará la so esperiencia pa col acosu escolar. Y, como cada miércoles, tenemos consultoriu pa intentar resolver les duldes de los oyentes.


  • Programa 15

Mirando de regüeyu ya pala Selmana Santa seguimos aportando visiones diferentes d’Asturies y del mundu. Arrancamos col nuesu particular filandón nel que conectamos col nuesu corresponsal en Berlín, Xuan Nel Turiel, que nos falará del grupu alemán Corvus Corax que, tamién, tien vinculu con Asturies anque seya de rebote. Tenemos nueva lleición del cursu de feminismu pa dummies con Jennifer Berrocal que güei mos trae cantares asturianos con mensaxe feminista. Nes moderneces y presumicios de Llucía Miravalles vamos averanos a la figura de la reina Victoria d’Inglaterra, la primer influencer. Una selmana más desarmamos la Historia con Faustino Zapico que va falanos de lo qu’hai de verdá alrodiu l’apostol Santiago. En «La viesca» la bióloga y educadora ambiental Ánxeles Rodríguez falaranos de la biomimética. Acompañaranos la escritora Jessica Gómez pa presentar el so nuevu llibru «Mamá en busca del polvo perdido». Y rematamos col radioteatru qu’esta selmana vuelve cola obra «La primer fola», col patrociniu del Conceyu de Castrillón, dirixía por Sergio Buelga ya interpretada por Pedro Fernández y Marcos SL.


  • Programa 16

Saludamos ya les vacaciones repasando l’actualidá d’Asturies y del mundu a la nuesa manera. Coneutamos Italia y Colombia de forma simultánea onde Bárbara Biaglioli y Andrés Toro fálannos de muyeres nel espaciu como Valentina Tereshkova o la italiana Samantha Cristoforetti. Tenemos una nueva tanda de coses random pa romper el xelu nun ascensor con Marcos Salazar que güei nos fala de los cantares que peor avieyaron. Pela terapia musical nel nuesu diván pasa’l cantante y compositor Alfredo González. Nos retayos d’historia va falanos Pilar Sánchez Vicente d’arte paleolíticu y de les representaciones de la muyer nel mesmu. Con Iván Llera percorremos l’actualidá de la pantalla piquiñina. Y güei, Día Internacional de la Visibilidá Transxéneru, vamos falar con Marián Lago, de l’asociación Disex. Y pa finar, como cada miércoles, resolvemos les duldes de los nuesos oyentes nel consultoriu.


  • Programa 17

Recuperando tres les vacaciones seguimos deprendiendo datos absurdos pa romper el xelu con Marcos Salazar. Coneutamos con Berlín dende onde Xuan Nel Turiel nos fala de por qué se ven tantes tuberíes a la vista na ciudá. Con Lluci Miravalles seguimos falando de moderneces y presumicios y cuéntanos qué ye eso de la moda «anti-bride». Seguimos col cursu de feminismu pa dummies col que Jennifer Berrocal nos amuesa la segunda parte de cantares asturianos de conteníu feminista. Nun dexamos el feminismu porque Lucía Montejo mos cuenta la polémica alrodiu «Pasiones mitológicas», la última esposición nel Muséu d’El Prado.

Seguimos desarmando la Historia con Faustino Zapico que nesti programa nos avera la figura de María Antonieta y qué hai y non de verdá alrodiu la so figura. Asomamos a la viesca pa conocer xunto cola bióloga Ánxeles Rodríguez la importancia de les migraciones animales. Y a un añu d’andanciu entamamos un percorríu colos profesionales que s’enfrentaron a ello n’Asturies y güei falamos con Xosé Antón «Ambás», enfermeiru nel HUCA y con Dulce Jiménez, directora de la residencia de mayores El Carbayu de Ciañu.


  • Programa 18

Arrancamos un miércoles más cola nuesa particular visión del mundu y conectando con Bárbara Biaglioli dende Italia y Andrés Toro dende Colombia. Pel diván pasa a facer terapia musical, Sonia Fidalgo, presentadora de TPA. Averámonos con Pilar Sánchez Vicente a la Nicaragua sandinista a traviés de la figura de Gaspar García Laviana. L’historiador Xuan Fernandi preséntanos el so llibru «L’escudu d’arnes de Xixón» nel que conoceremos, ente otres coses, el porqué de que tea Pelayo nel escudu la ciudá. Asomámonos a la pantallina con Iván Llera p’analizar el fenómenu televisivu del momentu como ye’l documental de Rocío Carrasco. Y, con Vítor Suárez, facemos un percorríu peles películes polémiques na historia del cine.


  • Programa 19

Llegamos al idus d’abril que diríen los romanos, el tiempu nel que los díes s’abren. Y p’abrise aprendemos con Marcos Salazar esos datos absurdos qu’ayuden a romper el xelu. Facemos conexón directa con Berlín dende onde Xuan Nel nos fala de cómo espacios de la II Guerra Mundial se tresformen en llugares d’ociu. Tendremos otra lleición del cursu de feminismu pa dummies con Jennifer Berrocal que güei mos desplica qué ye’l términu del heteropatriarcáu. Una selmana más tenemos moderneces y presumicios con Lluci Miravalles, de Ringo Rango, que mos fala de moda y teunoloxía.

Nesti día internacional del besu, Lucía Montejo, la nuesa historiadora del arte mos avera a los besos tráxicos. Y de momentos tráxicos y d’esperanza nos fala l’enfermeru Xosé Antón Ambás que mos cuenta cómo foi l’entamu l’andanciu a un añu vista. Falamos col hestoriador Eduardo Abad, de la Universidá d’Uviéu y coordinador del llibru «El antifranquismo asturiano en (la) Transición» recién espublizáu pol Colectivu d’Historia Crítica. Y finamos, como cada martes, falando de medio ambiente cola bióloga Ánxeles Rodríguez que mos esplica’l «síndrome de déficit de natura».


  • Programa 20

Algamamos l’ecuador de la selmana y afrontámoslo col nuesu particular filandón. Conocemos les noticies del mundu con David Fernández y coneutamos con Bárbara Biaglioli n’Italia y Andrés Toro en Colombia colos sos reportaxes selmanales. Pel diván facemos terapia musical col actor asturianu Pedro Durán. Percorremos les efemérides con Pilar Sánchez Vicente que güei fai alcordanza a los noventa años de la proclamación de la Segunda República n’España. L’arqueóloga Irene Faza mos cuenta en qué consiste «Falando sele», el proyeutu de recuperación de memoria oral nel conceyu de Piloña qu’impulsa y de les xornaes de memoria democrática que tan faciendo estes selmanes en comuña les asociaciones Les Ablanes de Piloña y Reflexu de Mieres. Asomámonos a la pantallina pequeñina de la tele con Iván Llera que mos fala de programes d’otres autonómiques que prestaría adaptar a TPA y con Vítor Suárez sentámonos nel patiu de butaques pa falar de los grandes fracasos de taquilla na hestoria del cine. Y, como cada miércoles, finamos col consultoriu pa resolver les duldes de los oyentes.


  • Programa 21

Arrancamos una selmana más cola nuesa particular superlliga. Conocemos «Lo que ocultan los árboles», un xuegu de rol asturianu que ta en campaña de crowdfunding con Llara Fuente, la so illustradora. Seguimos nel cursu de feminismu pa dummies con Jennifer Berrocal que nos avera a los mitos alrodiu la violencia machista. Nun dexamos los mitos porque l’historiador Faustino Zapico sigue desarmando la historia y güei toca’l mitu del pucherazu nes elleiciones del 12 d’abril de 1931. Nes moderneces y presumicios de Llucía Miravalles perfilamos la figura de Vivienne Westwood, creador de la moda punk. Percorremos con Xuan Nel Turiel les cais de Berlín que, como equí, nun tan llibres de polémica colos sos nomes. A un añu d’andanciu seguimos coles píldores que nos alministra l’enfermeru Xosé Ambás reflexonando sobre la situación sanitaria. Como cada martes mos averamos a la viesca cola bióloga Ánxeles Rodríguez cola que güei cellebramos el Día Internacional de la Madre Tierra. Y entrevistamos a una tortuga. Sí, a una tortuga.


  • Programa 22

Adelantámonos un poco y cellebramos el día del llibru faciendo terapia musical con Xuan Bello, una de les figures de más sonadía nes lletres asturianes. Coneutamos con Italia dende onde Barbara Biagioli nos desplical’orixe un poco picante de los perconocíos tortellini y con Colombia dende onde Andrés Toro mos fala de La Xiralda. Como cada miércoles tenemos retayos d’historia con Pilar Sánchez Vicente que güei mos recuerda la secuenciación del ADN de losrestos de la cueva d’El Sidrón en Piloña. Asomámonos a la pantallina con Iván Llera que nos fai un percorríu pelos talent show más seguíos de la tele. Y, como non, na pantallona falamos con Vítor Suárez de les películes qu’opten a Oscar la prósima finde selmana.


  • Programa 23

Sentir Asturies entama una selmana nueva falando con Jennifer Berrocal de los problemes qu’atopa la muyer nel ámbitu llaboral. Con Xuan Nel conectamos con Berlín y aprovechamos pa falar del fenómenu Merkel, agora que dexa la cancillería. Con Lluci Miravalles de Ringo Rango falamos de lo que nun mos presta de la Madrid Fashion Week. Faustino Zapico desarma la hestoria de nuevo y güei averámos a lo qu’hai de verdá y non al rodiu la figura de Nerón. Siguimos recetando píldores sanitaries mientres facemos balance d’un añu d’andanciu con Xosé Antón Ambás, enfermeru del HUCA. Amás falamos con David Sampedro, voceru d’ Hostelería con Conciencia que mos va averar a los problemes del colectivu y les sos propuestes pa encarar l’andanciu. Y como cada selmana una llección de mediu ambiente con Ánxeles Rodríguez. Al frente del equipu, como siempres, Arantxa Margolles ya Inaciu Galán.


  • Programa 24

Sentir Asturies vien enllenu de conteníos. Nestos tiempos de distanciamientu social percorremos Asturies coles propuestes de rutes de Claudia Lueje. Nel diván facemos terapia musical a Ana Francisco, presentadora del programa «El Picu» de TPA. Facemos conexón internacional con Barbara Biagioli dende Italia y Andrés Toro dende Colombia. Amás, falamos con David Válidos, voceru de la plataforma «Salvemos el monasterio y la iglesia de Curniana» sobre’l futuru d’esta ayalga del patrimoniu asturianu. Amás, probamos a facer un crossover d’esos y xuntamos la pantallina d’Iván Llera cola pantallona de Vítor Suárez a ver qué pasa. Al frente del equipu, como siempres, Arantxa Margolles ya Inaciu Galán.


  • Programa 25

Arrancamos una selmana más que ye diferente porque ye la dedicada a les nueses lletres y, n’especial, a la figura de Nel Amaro. Y arrancamos con artistes, nesti casu de Giorgia O’Keeffe qu’anguañu s’espón nel Muséu Thysen y d’ello va falanos la hestoriadora del arte Lucía Montejo. Tenemos una nueva lleición nel cursu de feminismu pa dummies nel que Jennifer Berrocal mos avera a la segunda parte de los mitos alrodiu la violencia machista. Visítanos la escritora Alba Carballo que mos va falar del discu recién espublizáu que pon voz a Antón de Marirreguera. Les moderneces y presumicios de Lluci Miravalles, de RingoRango, que güei mos cuenta les tendencies masculines que, llamentablemente, tan por venir. Seguimos desarmando la Historia con Faustino Zapico que güei mos cuenta qué hai de verdá y de mentira na hestoria de la Inquisición. Y pa finar damos un paseín pela viesca con Ánxeles Rodríguez, la nuesa bióloga, que mos va falar de la importancia de los plásticos na natura.


  • Programa 26

Vamos a pol miércoles, epicentru de la selmana y más nesta Selmana de les Lletres Asturianes. Pel diván pasará a facer terapia musical Xosé Antón González Riaño, presidente de l’Academia de la Llingua Asturiana. Y ya que falamos de la institución cimera pa col nuesu idioma vamos falar tamién con Xandru Martino, escritor, autor d’obres como la recien espublizada «Nunn» y acabante de nomar académicu. Como cada miércoles percorremos les efemérides más señalaes de la nuesa historia con Pilar Sánchez Vicente que güei va falar de sexu y Borbones. Y sentámonos na butaca ente la pantallona con Vítor Suárez pa falar de la gala de los Oscar y de la so retresmisión per primer vez n’asturianu pela rede.


  • Programa 27

Cola resaca de la Selmana de les Lletres volvemos un martes más analizando l’actualidá nel nuesu particular filandón que güei vuelve a la normalidá o, al menos, a lo más paecío. Coneutamos con Xuan Nel Turiel, el nuesu corresponsal en Berlín, que mos sigue cuntando curiosidaes dende’l coral d’Europa. Seguimos desarmando la historia con Faustino Zapico que güei mos fala de la falsa papisa Xuana. Y siguiendo na llínea, Lucía Montejo fálanos de reines asturianes intruses nel arte. Nueva lleición de feminismu pa dummies con Jennifer Berrocal que mos fala de muyeres escritores. Nes moderneces y presumicios de Llucía Miravalles, de RingoRango, conocemos marques de moda asturianes, que diseñen, fabriquen y venden dende equí. Asomámonos a la viesca cola bióloga Ánxeles Rodríguez que mos desplica en qué consiste’l paisaxe sonoru. Y seguimos faciendo balance d’un añu d’andanciu col enfermeru Xosé Antón Ambás.


  • Programa 28

Llegamos un miércoles más, tan revueltos como’l tiempu. Nun sabemos si tendrá que ver que güei facemos terapia musical con David Arango, l’home del tiempu de TPA. Y si lo permite’l tiempu coneutamos con Italia dende onde Barbara Biaglioli mos va falar de les «blue zone». Pilar Sánchez Vicente llega colos sos retayos d’historia nos que güei mos fala de les primeres privatizaciones entamaes nel reináu de Felipe II. Con Iván Llera facemos un percorríu peles series estatales de mayor ésitu. Y, poniendo los güeyos ya na fin de selmana, marchamos de ruta con Claudia Lueje que mos fala del Campeonatu d’España de Trail nel que participó cola seleición asturiana la fin de selmana pasada en Jaén.


  • Programa 29

Ya nun sabemos si mayea o marcea, pero’l casu ye que vamos viendo ya’l branu de regüeyu. Lo que sí que vemos ensín torcer el güeyu ye los falsos mitos históricos que cada martes mos desarma Faustino Zapico y que güei mos va falar de la camisa d’Isabel la Católica. Falando de camises y de sayes, Llucía Miravalles, de Ringo Rango, vien con otra tanda de moderneces y presumicios, nesi casu d’arte y moda. Coneutamos con Berlín dende onde’l nuesu corresponsal Xuan Nel Turiel mos desplica les razones hestóriques de por qué hai tantos vietnamites na ciudá. Otra lleición más nel cursu de feminismu pa dummies de Jennifer Berrocal nel qu’afondamos na violencia sexual. Asomámonos a la viesca cola bióloga Ánxeles Rodríguez que mos desplica qué ye eso del mimetismu. Y pa finar vien a visitanos Alma Hidalgo, una de les voces más moces de les lletres asturianes y acabante de ganar el premiu «Entaína a escribir» de microrellatos n’asturianu convocáu pola Direición Xeneral de Política Llingüística y l’Institutu Asturianu de la Mocedá.


  • Programa 30

Rematamos una selmana más analizando l’actualidá a la nuesa manera col filandón y les noticies lloques del mundu de David Fernández. Como cada miércoles seguimos recuperando retayos d’historia con Pilar Sánchez Vicente que güei mos fala de los vicios imperiales romanos. Pela terapia musical pasará Laude Martínez, presentador de «De romandela» en TPA. Asomámonos a la pantallina con Iván Llera pa falar d’Eurovisión y sentámonos na butaca’l cine con Vítor Suárez pa que mos desplique qué ta pasando colos Globos d’Oro. Y, como ayeri marchamos ensín mirar, quedó equí Alma Hidalgo que mos va acompañar a ver si pon orden


  • Programa 31

Llega’l 25 de mayu y anque ensin napoleones, llevantamos la mesma bandera nes ondes. Analizamos l’actualidá col nuesu particular filandón y colos datos random pa romper el xelu de Marcos Salazar. Una nueva lleición nel cursu de feminismu pa dummies con Jennifer Berrocal que güei sigue falándonos de violencia sexual. Nes moderneces y presumicios de Llucía Miravalles, de RingoRango, descubrimos qué ye eso del piñatex. Falamos col poeta Diego Solís de la revista de lliteratura mozo «Formientu». Y siguiendo cola lliteratura, nesti casu pala reciella, falamos de «¡Bum!» con Susana Sela y Maitetxu Isla. L’enfermeru Xosé Ambás sigue faciéndonos reflexonar a un añu d’entamar l’andanciu. Y finamos cola bióloga Ánxeles Rodríguez que nos va falar del cuerpu humanu como ecosistema.


  • Programa 32

Rematamos otra selmana y facemoslo dende’l nuesu filandón y coles noticies más lloques del mundu de David Fernández. Facemos conexones internacionales con Berlín dende onde Xuan Nel Turiel nos cuenta l’actualidá dende’l coral d’Europa y con Barbara Biagioli que mos avera les curiosidaes d’Italia. Pel diván pasa a facer terapia musical l’actor y cómicu Alberto Rodríguez, rostru perconocíu na TPA. Como cada miércoles seguimos colos retayos d’historia de Pilar Sánchez Vicente nos que güei mos averamos a los pueblos de la mar na Edá de Bronce. Asomámonos a la pantallina con Iván Llera y falamos del esperáu realcuentru de la serie «Friends». Y pa remata, pa seguir sintiendo Asturies agora que paez que’l tiempu acompaña, marchamos de ruta con Claudia Lueje que mos encamienta a conocer el puertu’l Meicín


  • Programa 33

Arrancamos xunu y paez que la calor ta entrando fuerte nel estudiu porque ya solo pensamos en sol y playa. Y por eso, pa dir bien preparaes a la playa, tenemos delles propuestes lliteraries pa tostar y culturizar. Falamos con Blanca Fernández que ta acabante d’espublizar la so novela «L’home de les caparines». Tamién echamos un ratín cola periodista d’esta casa, Carolina Sarmiento, que mos presenta «Tarada». Seguimos coles moderneces y presumicios de Llucía Miravalles, de RingoRango, que güei mos fala de moda perruna. El que nun sabemos si tien perru, pero sí ye de Mieres, ye l’historiador Faustino Zapico col que seguimos desarmando la historia y que güei mos avera a qué hai de verdá y non alrodiu la figura de Drácula. Y finamos con otra entrega del nuesu radioteatru con «Aeropuertu 68», de Sergio Buelga.


  • Programa 34

Llegamos a lo cimeru de la selmana ya intentamos facer más fácil tirar lo que queda. Coneutamos con Barbara Biagioli qu’una selmana más fainos reportaxe dende Italia, nesti casu de los sos volcanes. Sentamos nel diván al músicu Luis Núñez, qu’anque folgazán, de música sabe abondo. Seguimos colos retayos d’Historia con Pilar Sánchez Vicente, qu’esta selmana va falanos de los pueblos de tierra, de los celtes. Asomámonos a la pantallina con Iván Llera que mos trae eses series feches nel estáu y que foron ésitu internacional. Ponémonos cómodos na butaca con Vítor Suárez pa falar de les películes que cumplen agora veinte años y que mos faen sentir vieyos.


  • Programa 35

Otra selmana más y seguimos descontando pal branu asturianu, si ye que llega. Lo que sí que llega ye’l nuesu particular filandón y les noticies del mundu que mos trae David Fernández. Facemos conexón internacional con Xuan Nel Turiel que mos sigue faciendo crónica dende’l coral d’Europa. Y seguimos saltando llendes, anque estes menos alloñaes, pa falar col escritor llionés Abel Aparicio que mos presenta «¿Dónde está nuestro pan?». Otra vuelta más tenemos les moderneces y presumicios de Llucía Miravalles, de RingoRango, que güei vien a falanos del mal rollu nel mundu la moda. Y onde siempre mos dixeron que nun había mal rollu yera na España de les tres cultures, otru mitu históricu más del que Faustino Zapico va decínos qué hai de verdá. Y una selmana más tenemos radioteatru cola primer parte de la obra «L’Antroiro», dirixía por Sergio Buelga.


  • Programa 36

A quince años del estrenu d’esta casa, cellebrámoslo cómo meyor sabemos, que ye faciendo radio. Coneutamos con Barbara Biagioli que dende Italia mos cuenta les supersticiones italianes en comparanza coles españoles. Les noticies más absurdes del mundu que mos trae David Fernández. Pel diván pasamos terapia musical con perconocíu Iván Armesto, primer rostru conocíu asturianu nos reality shows y qu’anguaño dedícase a la industria del cine. Seguimos en ruta pelos cordales con Claudia Lueje que mos fala de lliteratura d’altura. Como d’altura son tamién los haikus que mos propón Berto García nel so llibru «Origami». Acabamos con teatru porque güei tenemos la segunda parte de la obra «L’Antroiro» dirixía por Sergio Buelga ya interpretada por Ana Rosa Ordiz, Jesús Manuel Arias, Jesús María Prieto, José F. Mayo, Juan José Alonso y Mary Chely Fernández.


  • Programa 37

Algamamos l’ecuador de xunu y ya nun pensamos más que nes vacaciones. Y qué meyor que pa esos tiempos de chiringuitu que tener esos datos random pa romper el xelu que mos regala Marcos Salazar. Coneutamos con Berlín dende onde’l nueso corresponsal Xuan Nel Turiel mos fai la crónica dende’l coral d’Europa. Desarmamos la Historia con Faustino Zapico que güei mos fala sobre lo qu’hai o non de verdá alrodiu la figura de Pepe Botella. Visítanos Marta Mori, vicepresidenta de l’Academia de la Llingua Asturiana y directora de la revista «Lliteratura» de la que mos vien falar. Tamién falamos col actor y dramaturgu Sergio Buelga que mos presenta la obra «El Faru». Como nun s’entiende branu si nun ye con muncho ringo rango, falamos con Llucía Miravalles que mos cuenta qué ye eso tan del branu como la moda adlib. Y pesllamos cola primer parte del radioteatru «La primer fola», dirixíu por Sergio Buelga ya interpretáu por Marcos SL y Pedro Fernández.


  • Programa 38

Va avanzando tanto’l ritmu vacunación qu’hasta tamos apuntu vacunar nesti programa. Pero de momento, como nun tamos, intentamos inmunizar la nueche del miércoles entreteniendo ya instruyendo, a partes iguales. Arrancamos col nueso particular filandón y coles noticies del mundu dela mano de David Fernández. Recuperamos retayos d’historia con Pilar Sánchez Vicente que güei mos fala de la batalla del Mazucu. Pel diván tendrémos pasando terapia musical a Nerea Vázquez, rostru perconocíu de la TPA. Seguimos falando de televisión con Iván Llera y la so pantallina porque güei vamos falar de realities. Y de la pantallina saltamos a la pantallona onde Vítor Suárez va falanos del white washing nelcine.


  • Programa 39

Entramos oficialmente nel branu. O, polo menos lo qu’entendemos n’Asturies por branu. Y anque nun tea pa playa sí que podemos facer un percorríu de moderneces y presumicios pela historia de la moda de bañu con Llucí Miravalles de Ringo Rango. Coneutamos con Berlín dende onde Xuan Nel Turiel mos fala de la Perlora nazi. Seguimos desarmando la Historia con Faustino Zapico que güei mos fala de qué hai de verdá alrodiu’l cinturón de castidá. Onde nun sobraba’l cinturón ye nel nueso filandón onde fadremos percorríu peles noticies más absurdes del mundu con David Fernández. Volvemos con otra lleición de feminismu pa dummies con Jennifer Berrocal que güei mos fala de cómiques. Damos un paseín pela viesca con Ánxeles Rodríguez que mos fala de l’Axenda 2030. Y visítanos tamién Aymara González, acabante de convertise na primer muyer que gana’l premiu Pepe Campo de monólogu n’asturianu.


  • Programa 40

Entramos en tiempu de descuentu pa marchar de vacaciones y paez que’l sol entama a asomar pa danos tregua. Los que nun damos tregua somos nos qu’axuntamos nel nueso particular filandón p’analizar l’actualidá menos actual y les noticies más absurdes del mundu con David Fernández. Otra que tampoco para ye Claudia Gutiérrez Lueje, que ta acabante de ganar la Travesera y vien falanos d’ello. Ye día de xente que nun para porque visítanos Nicolás Bardio pa falar de la so novela «La embaxada prieta», recién publicada por Hoja de Lata. Facemos conexón internacional con Italia dende onde Barbara Biagioli mos fala de les coses que choquen a los italianos cuando mos visiten. Pel diván pasa a facer terapia musical l’actriz, dramaturga ya incombustible Laura Iglesia d’Higiénico Papel Teatro. Asomámonos a la pantallina con Iván Llera que mos fala de series. Y finamos falando d’ecoloxía ya industries del cartón con Inaciu Iglesias.


  • Programa 41

Entramos ya na cabera selmana de la primer temporada na que vos convidamos a Sentir Asturies. Güei falamos d’esa Asturies tolerante, diversá y arguyosa. Arrancamos col nuesu particular filandón y coles noticies más absurdes del mundu con David Fernández. Coneutamos con Berlín dende onde’l nuesu corresponsal Xuan Nel Turiel mos manda una carta de despedía de temporada. Nes moderneces y presumicios de Lluci Miravalles, de Ringo Rango, falamos de moda, arguyu y Rodrigo Cuevas. Na última lleición del cursu de feminismu pa dummies d’esti cursu facemos balance con Jennifer Berrocal de cómo foi esti añu en materies d’igualdá. Acabamos cursu tamién col profesor Faustino Zapico que sigue desarmando la Historia y güei fálanos de qué hai de verdá na baxa esperanza de vida na Edá Media. Con otru historiador, Pablo Vázquez,falamos de la ruta turística que ta acabante d’entamar en Xixón alrodiu de los hermanos Xovellanos. Damos un paseín pela viesca con Ánxeles Rodríguez que mos despide’l cursu falando de noticies un poco más positives al rodiu la natura. Y finamos, cómo non, cola segunda parte del radioteatru «La primer fola» dirixíu por Sergio Buelga ya interpretáu por Pedro Fernández y Marcos SL.


  • Programa 42

Llegamos a la fin de la temporada, col güeyu puestu ya na playa y pensando ya en volver por tolo grande. Pero pel momentu seguimos col nueso particular filandón y coles noticies más absurdes del mundu que mos trae David Fernández. Coneutamos con Italia dende onde Barbara Biagioli mos manda un reportaxe de despedía hasta setiembre. Pel diván, por ser l’últimu, pasamos terapia a la otra mitá del cuerpu de presentaores, Arantza Margolles, aver que s’escuende tres del micru. Trayemos l’últimu retayu d’historia d’esta temporada con Pilar Sánchez Vicente que mos fala del desastre d’Annual. Falamos col escritor Xuan Porta que ta acabante d’espublizar «Sienda verde», un percorríu pela natura al traviés de 85 haikus n’asturianu. Con Iván Llera prendemos la pantallina pa falar d’esos programes míticos del branu. Y sentámonos na butaca con Vítor Suárez pa conocer les sos propuestes de cine pa pasar el branu.


  • Programa 43

Marchó tol mundu devacaciones. ¿Toos? ¡Non! Quedaron los mandos en manos d’Inaciu Galán, Marcos SLy Lluis Fanjul que mos van esbillar dellos de los meyores momentos de latemporada a lo llargo de tol branu. Güei recuperamos los meyores momentos de lanuesa bióloga Ánxeles Rodríguez cola que tanto deprendimos sobre ecoloxíay natura paseando pela viesca. Y como fueron munches les cares conocíes queficieron terapia nel nueso diván, recuperamos la entrevista a la presentadora ArantxaNieto.


  • Programa 44

Ye San Fermín y nos lo más parecíu que tenemos ye a Inaciu Galán, Marcos Sl y Lluis Fanjulzarraos nel estudiu. Ente cinta y cinta seguimos esbillando los meyores conteníos de la temporada y güei toca a les propuestes de Claudia Lueje pa seguir conociendo les meyores rutes pa conocer Asturies. Y, como tamién ye importante tener un güeyu sollerte a ver si llueve, recuperamos la terapia musical nel diván con de David Arango, «el del tiempu» en TPA.


  • Programa 45

Martes y trece y pa encima con esti tiempu. Casi val más nun salir de casa y quedar sintiendo la radio n’otru especial braniegu con Inaciu Galán, Marcos SL y Lluís Fanjul. Y, como ta viniendo esti tiempu tan prestoso, recuperamos los meyores momentos de la pantallina de Vítor Suárez pa garrar idegues pa disfrutar del cine esti branu. Y como a lo llargo d’esta temporada pasó muncha xente pela terapia musical del nuesu diván, recuperamos güei la que ficimos con Ana Francisco, presentadora de «El Picu» de TPA.


  • Programa 46

El branu ye tiempu pa folgar y p’alcordase de tolo que se fizo nel añu. Por eso nos tamos aprovechando pa recuperar los meyores conteníos de la temporada y güei facémoslo con delles de les entrevistes que ficimos. Nesti añu tan complicáu pol andanciu tuvimos ocasión de falar con Dulce Jiménez, directora de la residencia de mayores «El Carbayu» de Ciañu que mos contó cómo foi la batalla contra la COVID. Recuperamos la entrevista a Pelayo Rodríguez, que mos presentó’l so llibru «Una sentencia llamada bullying» sobre l’acosu escolar. Tamién recuperamos la entrevista a Marian Lago, de DISEX Asturies, cola que falamos nel día internacional de la visibilidá transxéneru. Pel programa tamién pasaron escritores como Jéssica Gómez que mos presentó’l so llibru «Mamá en busca del polvo perdido» (HarperCollins). Si mos remontamos más p’atrás atopamos escritores como Antón de Marirreguera al qu’agora ponen voz nun discu del que mos fala Alba Carballo. Y si mos seguimos remontando llegamos al reinu de Llión onde l’escritor Nicolás Bardio ambienta la so novela «La embaxada prieta» (Hoja de Lata)


  • Programa 47

A pocos díes d’entamar les olimpiaes, nos seguimos analizando’l nueso particular podium de la temporada y recuperando dellos de los meyores momentos que mos siguen esbillando Inaciu Galán, Lluís Fanjul y Marcos SL. Nesti programa recuperamos una primer tanda de los nuesos filandones, onde David Fernández mos contó les noticies más absurdes del mundu, Marcos mos enseñó datos random pa romper el xelu nun ascensor y tuvimos les cróniques de Xuan Nel Turiel dende Berlín. Además güei recuperamos la visita del cómicu, actor y showman más folixeru de la TPA, Alberto Rodríguez.


  • Programa 48

Seguimos disfrutando del branu, anque ente l’andanciu y el tiempu caribeñu que tenemos, cueste creyelo. Pero seguimos esbillando los meyores conteníos de la temporada y güei toquen en femenín. Recuperamos les meyores lleiciones del cursu de «Feminismu pa dummies» de Jennifer Berrocal, pa nun quedar de pacones na sablera. Y, por si fuera poco, recuperamos el pasu pel diván d’Anabel Santiago, una de les meyores voces de la música asturiana.


  • Programa 49

Vamos enfocando la fin de xunetu y esperando a ver si agostu mos da tregua p’atronar cola radio na sablera. De momentu seguimos esbillando los meyores momentos de la temporada que güei vien con otra tanda de filandones nos que recuperamos les noticies del mundu de David Fernández y les conexones internacionales con Barbara Biagioli dende Italia y Andrés Toro dende Colombia. Y como echamos muncho en falta’l teatru, recuperamos el pasu pel diván del actor Pedro Durán.


  • Programa 50

Ya paez qu’asoma’l branu y, anque s’echen en falta les fiestes de prau, sí paez que daqué se podrá facer. Como sentir lo meyor de la temporada que tan esbillando Inaciu Galán y Lluís Fanjul a los que se suman esta nueche Jennifer Berrocal cola que vamos percorrer los meyores momentos del cursu de «Feminismu pa dummies» que tanta falta facía y fae. A ver si repasando facemos que los que suspenden seyan quien a aprobar en setiembre. Y quien nun necesita repetir cursu ye l’incombustible Rodrigo Cuevas, axitador cultural y embaxador d’Asturies del que recuperamos el so pasu pel diván.


  • Programa 51

Y llegó agostu anque paez que nun avisó al branu. Pero da igual, tenemos a Inaciu Galán, Lluís Fanjul y Marcos SL esbillando los meyores conteníos de la temporada pa facer más llevaderes les vacaciones. Y anque nun ye tiempu de sofá, sí que podemos garrar idegues pa cuando toque aposentar en casa y pa eso recuperamos los meyores momentos de «La pantallina» d’Iván Llera coles sos propuestes sobre series y programes de televisión. Y seguimos faciendo recuentu de la xente que pasó pel diván y güei recuperamos la entrevista col actor asturianu David Blanka que participó, ente otres munches coses, na película «Ane» ganadora d’un Goya 2020.


  • Programa 52

Llegamos al ecuador del branu. Y eso quier dicir que marcha Inaciu Galán y vuelve Arantza Margolles, pa seguir esbillando con Lluís Fanjul y Marcos SL los meyores conteníos de la temporada. Y ye que tamos entamando agostu y ye tiempu d’entregase a les moderneces y los presumicios pa tar bien curioses y curiosos coles propuestes que cada selmana mos tuvo faciendo Lluci Miravalles, de Ringo Rango. Y como nun podemos pensar namás nel presumiciu y ye importante falar bien, recuperamos el pasu pel diván de Xosé Antón González Riaño, presidente de l’Academia de la Llingua Asturiana.


  • Programa 53

Ay, xentiquina, qu’agora sí, que llegó’l branu y tan llegándonos díes qu’apetez quedar a dormir na sablera. Y seyas más de sable o de pedreru, qué meyor p’acompañar eses hores de sol y de mar que sentir la nuesa radio. Nos tenemos a Arantza Margolles, Lluís Fanjul y Marcos SL esbillándonos lo meyor de la temporada. Güei recuperamos dellos de los meyores momentos de Faustino Zapico cortándonos el rollu y desarmando la Historia. Y recuperamos tamién el pasu pel diván de la presentadora de TPA, Sonia Fidalgo.


  • Programa 54

Otra nueche d’esti branu nel que tampoco ye qu’haiga munchoque facer. Sicasí, la radio caltién la distancia social, nun contaxa, educa yentretién a partes iguales. Por eso nos seguimos con Arantza Margolles, LluísFanjul y Marcos SL esbillando lo meyor de la temporada. Güeitrayemos dalgunos de los meyores momentos de los retayos d’Historia de PilarSánchez Vicente. Tamién recuperamos el pasu pela nuesa terapia musical d’AlfredoGonzález, cantante y compositor asturianu.


  • Programa 55

Ona fola de calor asolatola península, ¿toa? Non, nel norte seguimos resistiendo pa empalmar laprimavera y la seronda de güelpe. Pero qué meyor pa facer más llevadero estitiempu que llamen branu que sentir la radio. Nos tenemos a Arantza Margolles,Lluís Fanjul y Marcos SL esbillándonos lo meyor de la temporada.Güei seguimos rescatando los meyores momentos de Faustino Zapico,el nueso profesor d’Historia que nos desarma los falsos mitos históricos.Tamién recuperamos el pasu pela nuesa terapia musical del axitador cultural DolfoCamilo Díaz.


  • Programa 56

¿Qué diba ser de la vida ensín teatru? Pues nos tenemos claro que diba ser daqué peor. Por eso güei recuperamos delles de les pieces qu’emitimos esti añu dirixíes por Sergio Buelga. Viaxamos al pasáu más llonxanu con «El descensu real n’Arnáu» y «Pasión nel castiellu de Gauzón» interpretaes por Lucía Carracedo, Pedro Fernández y Lluís Antón González. Como ye branu ye bon momentu pa garrar «La primer fola» con Pedro Fernández y Marcos SL. O aprovechar que nun fai muncho calor pa facer «El camín de Don Gaspar» interpretada por Sergio Buelga y Lluís Antón González.


  • Programa 57

Averámonos pasín ente pasua la fin del branu y seguimos esbillando lo meyor de la temporada con Arantza Margolles, Lluís Fanjul y Marcos SL. Y como agostu ye tiempu de folixa y desenfrenu seguimos ufiertándovos dalgunos de los meyores momentos de los retayos d’Historia de Pilar Sánchez Vicente. Y como tamién ye tiempu de disfrutar d’un bon llibru, recuperamos la entrevista con Xuan Bello, una de les voces más conocíes de la lliteratura asturiana.


  • Programa 58

Entamamos cola cuenta atrás porque ya asoma’l fociquín setiembre. Seguimos con Arantza Margolles, Lluís Fanjul y MarcosSL esbillando lo meyor de la temporada que rematamos. Güei facemos alcordanza de los cortes d’humor que fizo l’equipu a lo llargo de tolos programes. Tamién recuperamos la entrevista al empresariu InaciuI glesias que mos faló d’empresa y mediu ambiente. Y, pa rematar,recordamos el pasu pel nueso diván de la perconocía cantante Cristina del Valle, parte del grupu «Amistades peligrosas»


  • Programa 59

  • Programa 60

Llegó la fin d’agostu y del branu y nos seguimos apurando pa esbillar los meyores conteníos de la temporada recuperando delles entrevistes d’interés. Entamamos falando con Blanca Fernández, escritora moza qu’espublizó la esitosa novela «L’home de les caparines» (Ediciones Radagast). Seguimos con noveles porque falamos con Nicolás Bardio, autor de «La embaxada prieta» (Hoja de Lata), un thriller políticu na corte de Llión del sieglu XII. Tamién pasó pel estudiu otra xoven promesa de les lletres asturianes, Alma Hidalgo, ganadora del premiu «Entaína a escribir» entamáu pola Direición Xeneral de Política Llingüística y l’Institutu Asturianu de la Mocedá. Y non too van ser lletres, porque tamién mos visitaron el cineasta Pablo Casanueva y el cocineru Lluís Nel Estrada pa presentanos la so road movie «Tierra de quesu» qu’emitió con ésitu d’audiencia la TPA. Y rematamos cola terapia musical aprovechamos pa conocer un poco más a Arantza Margolles, conductora d’esti programa, historiadora y divulgadora.


  • Programa 61

Llegó setiembre y ya queda poco p’arrancar cola nueva temporada. Pero de momentu, cola resaca braniega, seguimos recordando los meyores momentos de la temporada pasada. Recuperamos el pasu pela nuesa terapia musical del cantante y compositor asturianu Alfredo González. Falamos con Marián Lago, del coleutivu DISEX, sobre la llei trans. Con Pilar Sánchez Vicente averámonos a les venus y l’arte paleolíticu. Falamos del prime time y conciliación na televisión con Iván Llera. Recordamos qué yera eso de la biomimética que mos contó Ánxeles Rodríguez. Y pesllamos col radioteatru «La primer fola», de Sergio Buelga, con Pedro Fernández y Marcos SL.


  • Programa 62

Seguimos navegando setiembre y col güeyu puestu na nueva temporada. Pero de momentu seguimos recordando los meyores momentos de la temporada pasada. Recuperamos la terapia musical que ficimos al presentador de TPA, Laude Martínez. Con Pilar Sánchez Vicente falamos de los vicios inconfesables de los emperadores romanos. Recordamos otra lleición de la pantallina d’Iván Llera na que falamos d’Eurovisión. Tamién facemos alcordanza de les píldores que mos mandó Xosé Antón Ambás sobre la llucha contra la COVID na sanidá asturiana. Falamos con Susana Sela y Maitetxu Isla que mos presenten el so llibru «¡Bum!» pala reciella. Y finamos cola nuesa bióloga Ánxeles Rodríguez que mos fala de la microbiota.


  • Programa 63

Seguimos na cuenta atrás pa entamar la segunda temporada y seguimos esbillando lo meyor de la primer temporada. Güei falamos de la monxa Claricia cola historiadora del arte Lucía Montejo, de los mitor alrodiu los esclavos n’Exiptu con Faustino Zapico y de La Inquisición con Pilar Sánchez Vicente. Recuperamos el pasu pel diván de la cantante Anabel Santiago, una de les voces más reconocíes de la música asturiana. Falamos de moderneces y presumicios con Llucía Miravalles, de Ringo Rango, que mos acerca a la moda de los 2000. Tamién toca cine cola pantallona de Vítor Suárez col que recordamos delles de les sagues más conocíes. Y finamos recordando dalgunes de les duldes de los nuesos oyentes nel consultoriu.


  • Programa 64

Llegamos al últimu programa de los especiales braniegos. Recuperamos la historia de les muyeres artistes n’antigüedá con Lucía Montejo, de los mitos alrodiu los vikingos con Faustino Zapico y deprendemos vocabulariu feminista con Jennifer Berrocal. Nes moderneces y presumicios de Llucía Miravalles falamos de Balenciaga y na viesca, cola bióloga Ánxeles Rodríguez, falamos d’inseutos. Na pantallina d’Iván Llera falamos de los estrenos más importantes de la temporada en televisión. Recuperamos la entrevista a Pelayo Rodríguez que mos fala del so llibru «Una sentencia llamada bullying» nel que cuenta la so esperiencia personal. Y pesllamos recuperando delles de les duldes que mos unviaron los oyentes al consultoriu.


  • Programa 65

 


  • Programa 66

Arrancamos temporada y volvemos con milenta novedaes que vamos dir amosando poco a poco. Aconceyamos, como ye vezu, nel nuesu particular filandón d’actualidá nel que falamos con Arantza Margolles, Inaciu Galán, David Fernández y Marcos SL de la vuelta, del branu y del obispu de Solsona. L’actualidá manda y visítanos el xeólogu Iyán Glez pa falanos de too eso qu’arrodia a los volcanes. Coneutamos con Xuan Nel Turiel que dende Berlín mos va falar de les elleiciones n’Alemania post-Merkel y Andrés Toro que dende Colombia mos encamienta a conocer les nives perpetues nel Cocuy. Sacamos el llau más modernu pa conocer «Tiempu de lleendes», el primer videoxuegu n’asturianu del que mos fala Adrián Carbayales, responsable d’esti proyeutu. Y de la pantalla a la natura, salimos de ruta con Claudia Lueje, la nuesa esperta nel mundu la montaña que mos avera a la hestoria del ascensu al Picu Urriellu y la figura d’El Cainejo. Y rematamos un poco iconoclastes falando con Jota García, dibuxante y responsable d’Unbrained Comics, que ta acabante d’espublizar el comic «Pequeña y galana» con una visión mui particular de la Santina.


  • Programa 66 parte II

Primer domingu que llegamos a les ondes y arrancamos, como ye vezu, col nuesu particular filandón d’actualidá con Arantza Margolles, Inaciu Galán, David Fernández y Marcos SL nel que falamos de la seronda y de cuáles son los meyores conceyos d’Asturies p’atopar pareya según un estudiu. Retomamos los nuesos divanes y güei pasamos terapia musical al periodista Cristobal Ruitiña, una de les cares más reconocíes de TPA Noticies. Asomámonos a la rede y falamos con Beatriz Cepeda, la perconocía tuitera «Perra de Satán» que mos fala del so podcast «Puedo hablar». Con Marcos SL falamos d’eses coses random que podemos usar pa romper el xelu nun ascensor. Y, como tovía vamos con un poco de jetlag, recuperamos dalgunos bonos momentos que mos quedaren nel tinteru con Faustino Zapico, Llucía Miravalles, Jennifer Berrocal y, cómo non, el nuesu radioteatru.