Autor: JAVIER DOMINGO
La portada de güei enxareya dos elementos enraigonaos na cultura asturiana: la fauna qu’habita los nuesos montes y la mitoloxía que, dende tiempos remotos, dio relatu a esi mundu natural.
Nesti puzzle, fauna y mitológía entemécense y sostiénense unos a otros, como si tou perteneciera a un mesmu ecosistema.
Ente ellos apaez, fráxil pero inda presente, el cantar del fabulosu gallu de los montes: el urogallo.
El urogallo ye una reliquia de la última glaciación y xuna de les aves más emblemátiques del Cordal Cantábricu.
Ye un animal solitariu y territorial que lleva despareciendo silenciosamente mientres décades, debíu principalmente al horrible vezu de la caza, a la fragmentación del so hábitat y l’aislamientu de los sos nucleos.
La resultancia foi una drásticu amenorgamientu de la población y de la so diversidá xenética, hasta convertir la endogamia n’una de les principales amenaces pa la so supervivencia.
El so calter docil y amigu de los humanos tampoco ayuda : En 2007 pasiar poles cais de Tarna un urogallo, “Mansín, como naide emprestó-y atención finó ente les fauces d’un perru del pueblu.
El fracasu recién del proyectu nel que la Xunta de Castiella y Llión invirtió cinco millones d’euros onde soltaron 30 exemplares, de los que 29 fueron taramiaos por depredadores tampoco dexa allugar grandes esperances.
El urogallo nun ye solo un ave. La so supervivencia fala tamién de la salú y la continuidá de los montes cantábricos.
Javi Domingo @javidomingoh ye un diseñador y ilustrador, apasionáu pola bioloxía.. Formáu en diseñu y Comunicación Científica, collaboró con La Vanguardia, el Conceyu de Xixón, el Xardín Botánicu y en proyectos de divulgación ambiental ya infantil. Publicó un cuentu cola editorial Babidibú y combina el so llabor como freelance col so trabayu nel equipu de comunicación del Centru d’Investigación en Agrigenómica.
@theasturianer
#coverilustration
#urogallocantábrico
#faunaasturiana
#mitologiaasturiana
#asturiasilustrada