‘Greenfluencers’ participen en Llangréu na segunda edición del intercambiu xuvenil Erasmus Plus.
Adolescentes de distintos países aprienden sobro sostenibilidá, redes sociales y creación audiovisual. L’albergue municipal de Lada conviértese estos díes na base d’operaciones de los denominaos ‘Greenfluencers’. Un grupu de mozos d’ente 13 y 17 años procedentes d’Italia, Portugal y Grecia, que xunto con otros llangreanos aprienden sobro sostenibilidá, redes sociales y creación audiovisual.
Magar tener oríxenes distintos l’idioma nun ta siendo un problema.
Una esperiencia de convivencia intercultural basada en metodoloxíes d’educación informal na que l’aprendizaxe realizase por aciu xuegos, actividaes y dinámiques grupales.
El programa busca fortalecer la conciencia medioambiental de la mocedá y dotala de ferramientes creatives y comunicatives pa convertise n’axentes activos de tresformamientu social.
La so puesta de llargu, el próximu martes cuando van proxectar los sos trabayos nuna gala internacional nel Cine Felgueroso de Sama.
