Avisu naranxa por fenómenos costeros.
El Tiempu n’Asturies./ A les 6:30h d’esti miércoles alborecemos con nubes ya claros tando más nuboso na metá ocidental d’Asturies con unes temperatures que tan alrodiu de los 15ºC, rexistrándose nel puirtu Payares 8,7ºC. Güei vamos tener el cielu empuercáu de nubes medies y altes entemecies ente dellos claros o abancios aumentando la nubosidá pela tarde, pa dexanos el cielu cubiertu y tener precipitaciones xeneralizaes al escurecer con unes temperatures en descensu, sobre too al finar del día.
L’aire gallegu va seguir soplando con fuercia nes zones espuestes ya en puntos del llitoral, dexándonos mui mala mar. Nevará nes cumes más altes de la cordelera col camudu del día.
Mañana xueves va tar poco nuboso o escampláu, asina y too les temperatures van seguir en descensu, amás l’aire gallegu va soplar con fuercia faciendo que baxe entovía más la sensación térmica.
El vienres tendremos el cielu empuercáu de nubes medies y altes entemecies ente grandes claros o abancios con unes temperatures en llixeru ascensu col aire que tiende a amenorgar.
El sábadu ya domingu paez que va tar nuboso con precipitaciones col pasu de dellos frentes anque s’esperen en hores nuecherniegues.