Richard de la Uz, @richard_delauz/ un apasionáu profesor asturianu, tresforma ‘El Principito’ nun espectáculu máxicu con música y emoción. La so obra ‘La Principina’ ganó prestixosos premios nel XII Certame de Teatru Escolar. /La obra, protagonizada por alumnos d’Agones y Somao, llogró los premios a meyor obra, dirección y puesta n’escena.
Richard de la Uz nun se define como divulgador, anque casi tolo que fai acaba teniendo daqué d’eso: cultura asturiana, música, escuela y llingua. Profesor de Llingua Asturiana nel CRA Baxu Nalón, músicu en dellos proyectos y collaborador radiofónicu con una sección sobro cultura vaqueira, acaba de recibir, al pie de los sos alumnos, una reconocencia por una adaptación bien especial de «El Principito» al asturianu nel XII Certame de Teatru Escolar en Llingua Asturiana y Gallego-asturianu.
La obra, titulada «La Principina», nació na aula y creció hasta convertise nun proyectu colectivu. Participaron 21 alumnos de les escueles d’Agones y Somao, dende infantil hasta primaria. Como’l CRA axunta alumnáu de distintos centros, Richard recurrió al croma pa grabar a los neños por separáu y axuntalos dempués en pantalla. «Cuando se ven xuntos, alucinen»”, cuenta. Pa ellos, diz, foi «maxa».
Daqué que naz d’una pasión personal. El proyectu partió d’una pasión personal. Richard colecciona ediciones de «El Principito» y tien ente 15 y 20 traducciones, incluyida l’asturiana. Atráxo-y afaer un clásicu que, anque lleíu munches vegaes por neños, «zarra mensaxes que s’entienden meyor d’adultu»: nun atropar ensin sentíu, mirar más allá de lo evidente o entender que lo esencial #ver col corazón son dalgunos d’ellos.
Richard de la Uz na Casa de Cultura de L.luarca./ Ana M. Serrano
A esa base lliteraria añedió la so propia buelga: cantares compuestos por él pa «acompañar los viaxes de planeta en planeta». Na grabación participaron tamién alumnos de l’academia de cantar na que da clase en Xixón. La resultancia foi xuna pieza teatral, musical y audiovisual qu’esti cursu llogró los premios a meyor obra, meyor puesta n’escena y meyor dirección nel certame de la Selmana de Les Lletres.
La reconocencia, almite, ye un emburrión.» Pero lo importante pa él ta n’otru sitiu: en ver a los guah.es motivaos. «Hai que buscar actividaes distintes», defende. Nel so casu, tira de lo que sabe: la música y la creación nel ampliu sentíu. Yá lo fixo n’otros colexos, con cantares pal Día del Autismu o romeríes escolares nes que l’alumnáu vivía la llingua como daqué propiu y cercanu.
Enseñar a conectar col raigañu Para Richard de la *Uz, enseñar asturianu nun ye solo enseñar una asignatura. Ye conectar a los neños con una forma de falar, de nomar y d’entender el mundu. Cree que n’Asturies se fala más asturianu de lo que munches vegaes reconozse, en palabres cotidianes como «*tendal» o «mancar». Y reivindica que la llingua gane pesu real na escuela, tamién a nivel profesional.
Ente clases, ensayos, conciertos y viaxes, alvierte de qu’hai sacrificios y de uqe el tiempu nun cai del cielu. Vive en L.luarca, trabaya nel Baxu Nalón, da clase de cantar en Xixón y sigue activu con proyectos musicales como l’homenaxe a Queen, que próximanetne va tar nel teatru Prendés de Candás, o la banda de heavy metal Argion. Aun así, nun duldar cuando fala de la docencia: «Creo que’l cambéu de la sociedá ta en manos de el profesores», diz ensin papes na boca.
Quiciabes por eso «La Principina» resume tan bien la so manera de tar nel mundu: una obra fecha con neños, n’asturianu, con música propia y col convencimientu de qu’aprender tamién puede ser una aventura.
.
