Empezamos la última selmana d’abril con un llunes nel que va abondar la nubosidá en prácticamente tol Principáu. A lo llargo de la mañana nun se refuga l’apertura de grandes claros na metá sur de la rexón ente que va siguir bien nublu’l restu d’Asturies. Comoquier, l’apaición de nubes d’evolución diurna a partir del mediudía nel cordal volverá cubrir el cielu. Esta nubosidá va dexar bastios que van ser más probables y frecuentes nel sur asturianu pero, por momentos, podríen escapase afectando localmente a otres zones. Amás, estos bastios podríen venir acompañaos de nube. Tocantes a los vientos, van ser fluexos y variables con enclín a afitase de nordeste, mientres la segunda parte del día, con posibilidá de raches moderaes na mariña principalmente. Les temperatures máximes van baxar ente 1 y 2 ºC en casi toa Asturies salvo nel interior occidental onde podríen baxar hasta 3 ºC respectu al domingu. Les mínimes van caltenese ensin grandes cambeos significativos.
El martes va ser un día similar con presencia de nubes y posibilidá de bastios, anque con un ascensu térmicu xeneralizáu.
