https://x.com/RFEGimnasia El Palaciu de los Deportes alluga, del 4 al 7 de xunu y de forma socesiva, el Campeonatu d’España de selecciones autonómiques escolares y la Lliga Iberdrola, qu’atrai figures triunfantes nel Campeonatu d’Europa femenín celebráu apocayá en Budapest. LNE
La élite nacional de la ximnasia rítmica cítase esta selmana n’Uviéu con 860 atletes.
Cientos de ximnastes rítmiques, en concretu unes 860, van tar n’Uviéu esta selmana, incluyendo figures internacionales que vienen de trunfar apocayá nel Campeonatu d’Europa de Budapest, onde la delegación española collechó trés medayes d’oru.
Esta arribación de talentu dase gracies a que la ciudá acueye la celebración socesiva del Campeonatu d’España de Selecciones Autonómiques (CESA) en categoría d’edá escolar, los díes 4 y 5 de xunu, y la segunda fase de la Lliga Iberdrola de clubes a nivel nacional, les xornaes del 6 y el 7.
Al respective de la cifra total de participantes inscrites para esta doble cita, el desglose oficial preve la participación de 360 deportistes nel tornéu escolar CESA, ente que la segunda fase de la Lliga Iberdrola va movilizar a otres 500 ximnastes, pertenecientes a los 50 equipos qu’integren caúna de les dos divisiones nacionales.
Tocantes a la estructura de la competición, va empezar el xueves col bloque dedicáu al CESSA por edaes escolares, modalidá onde les comunidaes autónomes pueden presentar conxuntos de cinco ximnastes o equipos individuales. Les nueves promeses van tomar el tapiz el xueves de 16.30 a 20.00 hores; el vienres va haber sesiones de mañana, de 09.00 a 14.30, y de tarde, ente les 16.00 y les 19.00 hores.
La fin de selmana va acutar pal platu fuerte: la segunda fase de la Lliga Iberdrola, una competición clave por que los clubes engarren pol títulu nacional. El sábadu la xornada va estender de 09.30 a 14.30 y de 16.00 a 18.30 hores. Finalmente, el domingu l’espectáculu va concluyir con veces de 09.00 a 14.30 y de 15.30 a 18.00 hores.
