Publicado en TIEMPU

Tiempu n’Asturies

  • A les 8:30h. d’esti sábadu alborecemos col cielu cubiertu por estratos tando escampláu nes cumes de la cordelera ya con unes temperatures que tan alrodiu de los 14ºC, rexistrándose nel puirtu Payares 9ºC.
  • Güei van dir dixebrándose los estratos del alborecer a lu llargu del día, sobre too na costa ya en zones altes de montaña, nel restu sedrá más tímidamente cola apertura de claros o abancios nes hores centrales del día con unes temperatures que van camudar poco, dexándonos un ambiente afayaizu en xeneral.

  • Mañana domingu tendremos un día más soleyeru y prestosu con escasa nubosidá pel día y nubosidá estratificada na fastera central al alborecer ya al escurecer con unes temperatures que van seguir na mesma llínea, sícasi entamarán a baxar les mínimes.
  • El llunes la entrada del vientu nordés mos empobinará una masa d’aire fría dende’l continente européu, faciendo que s’anicie un descensu de les temperatures, amás nes zones espuestes ya nel llitoral sedrá cafiante y fadrá baxar la sensación térmica entovía más, asína y too nel cielu vamos tener poques nubes, calteniéndose escampláu la mayor parte del día.
  • El martes pela mañana podríemos tener dalguna precipitación feble ya dispersa pero con tendencia a desaparecer durante la mañana y dir abriéndose dellos claros durante’l día con unes temperatures en descensu bultable, sobre too en zones d’alta montaña onde habrá xelaes.
  • El miércoles alboreceremos con munchu fríu, xelando nes zones favoretibles del interior asturianu, caleciendo’l sol dalgo solamente a primera hora de la tarde.

 

Autor:

Maestra de Llingua Asturiana Colexu Carmen Ruiz-Tilve - Uviéu