Sputnik 5 y los perros Belka y Strelka / El 19 d’agostu de 1960, la Unión Soviética llanzó la nave Korabl-Sputnik 2, conocida internacionalmente como Sputnik 5. A bordu viaxaben los perros Belka y Strelka, xuntu con mures, aguarones, insectos, plantes y otros organismos. La misión algamó la órbita terrestre y tornó con vida a otru día.
Foi la primer operación soviética qu’unvió animales a una órbita y llogró recuperalos en condiciones satisfactories, una resultancia relevante para’l desenvolvimientu de los vuelos espaciales tripulaos. Belka y Strelka fueron sometíes a controles médicos y convirtiéronse en símbolos de la esploración espacial soviética. El vuelu apurrió información sobro los efectos fisiolóxicos de la ingravidez y precedió al viaxe de Yuri Gagarin, realizáu’l 12 d’abril de 1961.
Belka («Blanquina») y Strelka («Flechita») fueron perros del programa espacial soviéticu que pasaron un día nel espaciu a bordu del Korabl-Sputnik 2 (Sputnik 5) el 19 d’agostu de 1960 antes de tornar sanos y salvos a Tierra. Fueron los primeros seres vivos complexos que sobrevivieron a un viaxe orbital nel espaciu esterior.
/ 
Al pie de estes dos perrines, 42 mures, un coneyu gris, dos aguarones, mosques y delles plantes y hongos fueron unviaos al espaciu na mesma misión. Tolos pasaxeros sobrevivieron.
