Autor PACO NADIE / Testu LETICIA SÁNCHEZ RUÍZ
Dende mediaos del sieglu XIX, el carbón foi la principal fonte d’enerxía de la industrialización asturiana.
Utilizábase para alimentar máquines de vapor, calecer llares y fundir fierro nes siderurxes.
Por ello, la minería del carbón convertiose n’una actividá clave para’l desenvolvimientu industrial d’Asturies y n’una de les principales causes de la presencia constante de fumu nel so paisaxe.
En palabres del artista: L’axenda del fumu ye una serie estensa de dibuxos sobro páxines d’axendes que vengo realizando dende los primeros años del sieglu XXI.
Inspiraos pol paisaxe industrial de les nueses ciudaes, de los díes y les nueches y el paisaxe al que’l desenvolvimientu acostumónos y qu’amenacien con llevase tolo que somos y fiximos.
Ye una reflexón estética, a partir del esfumato al traviés del fumu como un motivu tan nuesu, mientres tanto tiempu, que se nos presenta’l niciu de que daqué más que’l tiempu consúmese.
Mientres planiamos la nuesa axenda sometíos a la rutina que nos consume, la quema de lo que nun se ve, lo que camuda d’estáu, son señales de fumu que, al igual que los restos de polvu y ceniza depositaos sobro’l papel, son buelgues de daqué en combustión, en desapaición o, si asina se prefier, en tresformamientu.
Una metáfora del olvidu y de lo que s’hai de evaporar.
- Paco Naide @paconadie ye un artista interdisciplinar que la so obra esquiza cuestiones rellacionaes cola condición humana, l’arte, la guapura y la relación ente naturaleza, cultura y conocencia. Venceyáu a la escena artística asturiana y al activismu cultural de base, fundó’l proyectu local (espaciu-tiempu), darréu colectivizado y güei autogestionado pola asociación cultural laboca.
- Leticia Sánchez @letisaurus ganó dellos premios poles sos noveles, ente elles El preciu del tiempu, Los llibros luciérnaga, El gran xuegu y Cuando ye iviernu nel mar del Norte. Ye coautora de la saga Oficina de Peligros,, escribió la obra de teatru Hermanes y publicó l’ensayu Fragmentos del mapa de l’ayalga sobro Augusto Monterroso.
