Arte, naturaleza y territoriu protagonizarán la décima edición de ‘Un verano con mucho Arte’ n’Avilés, una propuesta de baldre que se celebrará’l primer fin de selmana de setiembre, y qu’esti añu s’inxerta na Bienal Climática d’Avilés.
El sábadu 5 habrá dos propuestes nel Espaciu Maqua: ‘Sonidos de la tierra’, dirixíu a menores de 3 años, y ‘Pequeños paisajes’, pa mayores d’esa edá.
El domingu 6 sedrá’l turnu de ‘Mitos por las ramas’, un percorríu per El Parque Ferrera pa descubrir mitos y lleendes venceyaes cola naturaleza, y ‘La naturaleza pintada’, un espectáculu de música y pintura en vivo na cai Palacio Valdés, en collaboración con Art Street.
El restu de propuestes necesiten inscripción enantes, que podrá facese dende’l 1 de setiembre na Oficina de Turismu d’Avilés, de forma presencial, o al traviés del so corréu electrónicu.
