- Alborecemos col cielu poco nuboso o escampláu, sicasí na meta ocidental d’Asturies tenemos dalgo de nubosidá alta con unes temperatures que tan alrodiu de los 12ºC, dalgo más pela costa, rexistrándose nel puirtu Payares 10,3ºC
- Güei vamos tener un día mui sele col cielu prauticamente escampláu durante tol día, amás l’aire sedrá sele ya variable y les temperatures mui suaves con másimes que van algamar los 20ºC con facilidá, anque nel llitoral les brises costeres puen baxar dalgo la sensación térmica.
- Mañana martes aumentará rápidamente la nubosidá baxa con borrinos y nublines nos cordales d’Asturies que puen dexar dalgo d’orpín pela tarde. Les temperatures másimes en bultable descensu, mentantu les mínimes camudarán poco o subirán llixeramente.
- El miércoles dirá escamplando con apertura de dellos claros o abancios anque l’ambiente va caltenese fresco a pesar de los rayinos de sol por mor del vientu nordés que pue soplar cafiante al mediudía nel llitoral y zones favoretibles.
- El xueves tendremos un día mui asemeyáu con nubes ya claros o abancios nel cielu, sicasí l’aire nordés tenderá amenorgar y les temperatures másimes subirán dalgo.
- El vienres entrarán nubes medies y altes pa empuercar el cielu y subir les temperatures pero esto yá lu diremos viendo.