Publicado en Día de..., Turismu

Día Mundial del turismu

Nel #DíaMundialDelTurismo, apostamos por un turismu de naturaleza responsable:  

  • Respeta y protexe los ecosistemes, 
  • Evita alteriar la fauna y la flora, 
  • Sofita a les comunidaes locales, 
  • Conoz y respeta la so cultura y les sos formes de vida
  • Amenorga’l to impactu y nun dexes buelga.

Conmemórase cada 27 de setiembre dende 1980. La fecha foi escoyida porque coincide cola aprobación de los Estatutos de la Organización Mundial del Turismu, asocedida’l 27 de setiembre de 1970. La decisión d’instituyir la xornada foi adoptada en 1979 mientres una xunta de la organización celebrada en Torremolinos, España. La conmemoración busca espublizar la importancia económica, social, cultural y política de los viaxes y de l’actividá turística.

El turismu arreya tresporte, agospiamientu, gastronomía, patrimoniu, empléu, comerciu y xestión territorial. El so impactu distribuyise de manera desigual: puede xenerar ingresos y puestos de trabayu, anque tamién plantega desafíos venceyaos cola presión sobro los recursos naturales, la vivienda y los servicios públicos. Dende 2003 la celebración tien un país anfitrión distintu y entámase alredor d’una tema añal. La Organización Mundial del Turismu pasó a utilizar la denominación ONU Turismu en 2024, pero caltien la xornada del 27 de setiembre. Les Naciones Xuníes reconocen oficialmente’l Día Mundial del Turismu y describen el so oxetivu como la promoción d’una mayor conciencia internacional sobro la relevancia d’esti sector.

Anguaño ponse’l focu en cómo la intelixencia artificial (IA) puede ayudar a construyir destinos más intelixentes, inclusivos y sostenibles.

Aanimámoste a viaxar d’una forma sostenible, apostando por: 🌿 Protexer la biodiversidá, 💧 Optimizar los recursos naturales, 🏘️ Respetar la cultura local y 📈 Apurrir beneficios socioeconómicos.

Destacamos la so importancia para avanzar na transición ecolóxica y llograr un turismu más respetuosu cola redolada.

Impulsamos un Turismo Sostenible con proyectos que: ✅ Xeneren empleos verdes  🏕️ Fomenten el ecoturismo.

Viaxar ye afayar nuevos llugares, cultures, sabores, hestories y formes d’entender el mundu. Los nuesos pueblos son hestoria, patrimoniu, paisaxes, tradiciones, gastronomía y, sobremanera, persones. Esti día celebramos tolo que los convierte en destinos únicos y convídanos a siguir afayándolos. Porque cada pueblu tien enforma que cuntar.

#DíaMundialDelTurismo 

#WorldTourismDay #ProyectosPNACC #ProyectosPRTR

Autor:

Maestra de Llingua Asturiana Colexu Carmen Ruiz-Tilve - Uviéu