Al Son

El programa repasa tolos estilos de la música fecha n’asturianu dende’l surdimientu del Nuevu Canciu Astur hasta anguaño. Son más de cuatro décades d’historia de la música asturiana nos que suenen estilos tán estremaos como folk, indie, electrónica, punk o música clásica.

Esti espaciu selmanal n’asturianu “que quier ser una especie d’enciclopedia sonora” va conducilu Xune Elipe en RPA tolos llunes. Van ser cincuenta episodios. El cantante de Dixebra y responsable de Goxe Producciones va tar acompañáu pola llocutora Lena Elipe y el periodista especializáu en música Xicu Ariza, ex redautor d’Asturies.com. Ente los trés van tratar fondamente “toles propuestes sonores que se dieron nel panorama musical del país nes últimes cuatro décades: Nuevu Canciu Astur, boom de la gaita, música celta, folk (música celta), folk-rock, rock n’asturianu, post-folk, tonada renovada, etc”.

Ente los sos conteníos van tar tres secciones fixes. Una d’elles va presentala’l periodista Xicu Ariza, responsable del portal musicasturiana.com y del ciclu ‘Amosando’. Va trayer al programa versiones interesantes o llamatives de temes asturianos feches por músicos foranos o de temes non asturianos feches por intérpretes del país. Amás, va contestualizales histórica y musicalmente pa conoceles meyor y poder apreciles como se merecen.


  • Episodiu 1: : ANUARIU DE LA MÚSICA ASTURIANA 2020

EL primer programa d’AL SON taos dedicáu a ver qué traxo musicalmente’l pasáu añu 2020 y pa ello vamos pasar peles fueyes y pel discu del Anuariu de la Música Asturiana, publicación que lleva yá más de venti años recoyendo y reflexonando sobre l’actualidá y la realidá musical del país.


  • Episodiu 2: PIONEROS DE LA MÚSICA ASTURIANA

Bien d’artistes y compositores abrieron un camín nuevu pel que depués diben empobinar munchosotros, faciendo que la música d’espresión asturiana siguiere progresando. Foron nel so momentu pioneros que s’atrevieron a esperimentar, contribuyendo asina a que la nuestra música siguiere viva. A ellos dedicamos esti capítulu.


  • Episodiu 3: L´ASTURIANADA CONTEMPORÁNEA

La música popular asturiana foi de tresmisión oral hasta bien entráu’l sieglu XX, esta circunstancia fixo que fuere vulnerable alpasu del tiempu y a les influyencies más variaes. El tiempu, colos gustos y les modes de cada momentu, va cambiar les melodíes y les lletres; otra cosa son les estructures que, pola contra, evolucionen muncho más despaciu. Pero nosempiezos del sieglu XXI surden una serie d’intérpretes que quieren actualizar y anovar l’estilu vocal por escelencia de la música asturiana.


  • Episodiu 4: MÚSIQUES URBANES ASTURIANES

N’Asturies nun somos ayenos a la influyencia de los diferentes estilos englobaos na llamada música urbana (trap, reggaeton, electrónica…). Ye a mediaos de los años 90 cuando empezamos a sentir les primeres esperiencies de hip hop n’asturianu y na década siguiente entamen a sonar pieces de música electrónica con raigañu asturianu.


  • Episodiu 5: CUANDO´L FOLK ALCUENTRA´L POP

La música folk asturiana ta formada por un abanicu ampliu de formaciones y soníos. Dientro d’estos grupos, hailos que na so trayectoria s’averaron en delles ocasiones al pop, dando como resultáu unes composiciones nes que folk asturianu, música celta y influyencies pop caleyenal mesmu son.


  • Episodiu 6: MUYERES CON VOZ PROPIA

El llabor de les muyeres na historia de la música asturiana ye imprescindible. Elles foron sobre manera quienes caltuvieron y tresmistieron ente xeneraciones la nuestra tradición sonora. Tamién foron protagonistes en xéneros como l’asturianada y güei hai muyeres al frente de proyectos musicales con sonadía; componiendo, interpretando y siendo un exemplu pa otres munches que van conquistando escenarios.


  • Episodiu 7: JAZZ DE RAIGAÑU I

El jazz como estilu musical diferenciáu y ellaboráu dafechu surde nos primeros años del sieglu venti en ciudaes como Nueva Orleans. N’Asturies, esisoníu llega na década de los 60 y van surdiendo aficionaos a él. Yá nos 70 ynos 80 son munchos los músicos del país que se deciden a interpretar jazz y colcorrer de los años principien a producise intercambios y conexones ente ésti y la música tradicional asturiana.


  • Episodiu 8: JAZZ DE RAIGAÑU II

El jazz ye orixinariamente una música que surde de los soníos que les comunidaes afroamericanes foron creando al traviés de los sieglos, pero que seforma como un estilu diferenciáu y únicu a empiezos del sieglu XX,conquistando’l mundu y implantándose como una música universal. Tamién a Asturies llegó’l gustu por esti soníu versatil y llibre dafechu, rellacionándose colos nuestros propios ritmos, melodíes y cantares tradicionales.


  • Episodiu 9: NOVEDAES DISCOGRÁFIQUES

La producción discográfica de música n’asturianu ye bayurosa y variada.Anguaño’l consumu musical dase sobre too nes plataformes musicales y cada vez son menos los grupos qu’editen trabayos discográficos completos; sicasí, añalmente salen al mercáu más de venti discos enmarcaos dientro de la música d’espresión asturiana. Nel programa repasamos dellos d’estos llanzamientos discográficos.


  • Episodiu 10: MÚSICA ASTURIANA CONFINADA

El confinamientu del 2020 duró cincuenta díes. Nesi tiempu, el sofá de casa sustituyó a les sales de conciertos, a los teatros y a los praos, y los pocos conciertos que se pudieron facer foron al traviés d’una pantalla. Hubo grupos qu’aprovecharon la ocasión p’asoleyar material inéditu, otros que compusieron discos nuevos o dellos que fixeron actuaciones en streaming.


  • Episodiu 11: PUNK-ROCK N´ASTURIANU

A mediaos de los años 70 surde un estilu musical nuevu que supón toa unarevolución: el punk. Aquel españíu llegó a tol mundu y n’Asturies pudimossentir a mediaos de los 80 ales primeres bandes qu’empleguen l’asturianu pa cantar temes punk-rock. Cuasicincuenta años depués del so surdimientu, el punk sigue vivo. Nesti programarepasamos la evolución que tuvo esti xéneru musical nel nuestru país.


  • Episodiu 12: NUEVU CANCIU ASTUR

Na segunda metá de la década de los 70 apaecen una serie de cantantes queproponen una nueva canción asturiana, qu’al mesmu tiempu que reellaboren piecesprovenientes de la tradición seyan quien a facer composiciones nueves adecuaesa los nuevos tiempos y pensando nes xeneraciones más moces. Too ello col enfotude visibilizar a Asturies, crear una espresión musical asturiana nueva ynormalizar la llingua asturiana.


  • Episodiu 13: CANCIÓN D’AUTOR DEPUÉS DEL NUEVU CANCIU

El llamáu Nuevu Canciu, movimientu musical qu’a finales de los 70 yprimeros de los 80 supunxo una revolución pa la música asturiana. Pero lacanción d’autor con identidá asturiana nun morrió col fin d’esti movimientu,pola contra, en toos estos años hubo dellos artistes que siguieron el mesmucamín y qu’anovaron esti xéneru acordies al so contestu musical y social.


  • Episodiu 14: LA B.S.O. DE LA REIVINDICACIÓN LLINGÜÍSTICA I

Nel añu 1974 fundóse l’asociación Conceyu Bable, un colectivu que puxó por esparder la idea de qu’Asturies yera una comunidá con cultura y llingua propies, echando a andar al rau d’ello un importante movimientu llingüísticu y cultural que diba ser fundamental p’articular el nuestru territoriu como ente políticu. Repasamos aquellos cantares que-y punxeron son a un movimientu abiertu y dinámicu en reconocimientu de los derechos de los y les asturfalantes.


  • Episodiu 15: LA B.S.O. DE LA REIVINDICACIÓN LLINGÜÍSTICA II

A los pocos años de qu’echara a andar el movimientu modernu de reivindicación llingüística, Nuberu cantó aquello d’«Atiendi, Asturies, atiendi, lo que falo na to fala». Yera l’añu 1980 y con esti cantar, el dúu de L’Entregu facía la primer composición de la historia de la música asturiana que puxaba pol usu y espardimientu de la nuestra llingua. Continuación del especial centráu na música y la reivindicación llingüística.


  • Episodiu 16: LA MINA NA MÚSICA ASTURIANA

La minería y tolo que representa ye una de les señes d’identidá más característiques de l’Asturies de los dos últimos sieglos. Güei yá queda poco d’esi mundu que nunes décades acabará conservándose namás nos llibros d’historia, nos museos y tamién na música, porque la influencia de la mina tamién quedó reflexada en dellos cantares d’artistes del país.


  • Episodiu 17: INÉDITOS DE LA MÚSICA ASTURIANA

Foron y son munches les propuestes de la música asturiana que lleguen a grabar dalgún discu o a esparder la so música al traviés de los medios dixitales y les plataformes habilitaes pa ello. Pero tamién foron abondos los artistes y bandes que nes últimes décades vieron cómo’l so trabayu nun diba más allá d’unes poques persones, cómo les sos grabaciones nun salieron del local d’ensayu.


  • Episodiu 18: NUEVES TENDENCIES NA MÚSICA ASTURIANA

Nos últimos años tamos viendo como cada vez surden más bandes que reellaboren la música popular asturiana dende óptiques nueves,diendo más allá del folk tradicional que tábemos avezaos a sentir, pero ensinperder el vínculu con esti xéneru musical nin cola tradición.


  • Episodiu 19: POP LLARIEGU

Nos primeros años de la década de los 70 garracarta de naturaleza un estilu al que podríemos denominar como ‘pop llariegu’.Trátase d’un xéneru caracterizáu por cantares melódicos executaos d’un mou cenciellu y apegadizu, con lletres detemática asturiana y festiva. Dellos de los pioneros foron el Dúo Covadonga, el Dúo San Juanín y, sobre manera, El Presi, que cola so ‘canción llixera asturiana’ punxo les bases d’estatendencia nueva nel panorama musical del país.


  • Episodiu 20: GAITEROS I

Nos años 80 produzse un’boom’ de la gaita, surde daquella una xeneración de gaiteros conocida como «laquinta del biberón» que van interesase pol instrumentu y la so función nasociedá asturiana dende parámetros modernos y renovadores. Aquel grupud’intérpretes van llevar al nuestru instrumentu a vivir una edá d’oru,caracterizada pola cantidá y la calidá.


  • Episodiu 21: GAITEROS II

Descripción: Los intérpretes qu’a partir de los años 80 revolucionen el mundu de la gaitatienen un nivel y una formación musical mayor que los de xeneracionesanteriores, provienen del ámbitu urbanu y quieren prestixala hasta convertilanun instrumentu normalizáu social y musicalmente. Esta mentalidá daría orixe a una revitalización de la gaitaperimportante y va asitiala como l’instrumentu más representativu de la nuestramúsica, algamando la consideración d’iconu de la identidá asturiana.


  • Episodiu 22: PREMIU AL MEYOR CANTAR

El Gobiernu Asturianu quixo reconocer a la creación musical en llingua asturiana y gallego-asturianu y por eso creó nel 2007 el Premiu al Meyor Cantar. Con doce ediciones celebraes, esti gallardón vien reflexando la vitalidá y la diversidá de la música fecha nes llingües d’Asturies. Pel so escenariu, pasaron más de cincuenta artistes y sonaron estilos musicales tán estremaos como la canción d’autor, el folk, el rock, la tonada, el reggae o’l funk.


  • Episodiu 23: ROCK  N´AST I

El camín hasta llograr qu’unesti estilu musical como’l rock, que xeneralmente sonaba n’inglés o encastellanu, se cantara tamién nel nuestru idioma foi llargu. Esi procesuabriéronlu nos 70 y primeros 80 grupos como Renacencia, Güextia y Asturcón, ydiéron-y puxu, mayor trescendencia y estabilidá bandes como Los Berrones yDixebra. Esti programa ta centráu nes primeres bandes de rock qu’emplegaronl’asturianu; aquelles que llantaron una semiente qu’a partir de la década del2000 espoxigaría.


  • Episodiu 24: ROCK  N´AST II

La escena de rockn’asturianu ye güei una realidá qu’existe pesie a munchos años d’inestabilidá,dificultaes y pocos referentes. De toos ellos falemos nel anterior programa,nesti tratamos la evolución d’esti estilu dende la década del 2000. Yeprecisamente nestos últimos venti años nos qu’esti xéneru por fin foi aconsolidase y a algamar una estabilidá y una escena equiparable a la d’otresmúsiques d’Asturies.


  • Episodiu 25: MÚSICA CLÁSICA ASTURIANA

Les rellaciones ente la llamada música culta o tamiénclásica empiecen a dase n’Asturies hai más d’un sieglu, cuando dellos músicosprovenientes d’esi ámbitu empiecen a publicar cancioneros nos qu’harmonicenpieces de la tradición asturiana. Modernamente estes conexones ente clasicismuy tradición siguieron dándose, produciendo obres de gran calidá y interés,incorporando a elles la sonoridá de la gaita


  • Episodiu 26: EL CELTISMU MUSICAL ASTURIANU I

La tesis celtista aplicadaa la historia, la cultura y la música d’Asturies nun ye dalgo reciente, nin siquiera contemporáneo o del’actual época histórica, sinón que tienen un raigañu fondu. Nel planu musical,ye col surdimientu del folk asturianu nos años 80 cuando esta corrientealgama’l reconocimientu popular y conviértese nún de los movimientos másimportantes de la historia de la música asturiana.


  • Episodiu 27: EL CELTISMU MUSICAL ASTURIANU II

Nel campu musical persones del prestixu y renome d’Eduardo Martínez Torner o José Benito Álvarez-Buylla falaron abierta y apasionadamente de la nuestra música tradicional como fondamente incluyenciada polo celta. A partir de los años 80 produzse n’Asturies un movimientu musical adscritu a esta corriente que diba llevar a la música asturiana a cumales nunca enantes algamaos, entrando’l nuestru país na comunidá celta internacional.


  • Episodiu 28: INDIE N´ASTURIANU

La llamada música ‘indie’, ye un movimientu musical heteroxéneu qu’agrupaestilos mui diversos. Na metá de la década de los 90 ye cuando esti movimientuxorrez n’Asturies, col surdimientu de bandes que seríen un referente na escenaindependiente del Estáu español. Anquenun existió una escena estable de grupos indies qu’usaren dafechu l’asturianu,sí qu’hubo distintes esperiencies nesti sen dende aquellos 90 hasta losnuestros díes.


  • Episodiu 29: MÚSICA PA LA RECIELLA

La música ye una de les meyores ferramientes qu’hai pa tresmitir conocimientu a la reciella.La llingua asturiana entró nes escueles en 1984 y mui pronto aquella xeneración de maestros y maestres decatáronse de que facíen falta cantares colos qu’enseñar el nuestru idioma a los escolinos. Entama asina’l camín de la música pa la reciella n’asturianu, a la que dedicamos esti programa


  • Episodiu 30: LA EMIGRACIÓN NA MÚSICA ASTURIANA I

Asturies ye una tierra d’emigrantes. Muncha xente marchó a facer lesamériques nel sieglu XIX, llogrando riqueza los conocíos como indianos ypasando penuries los que más. Anguaño, la permanente crisis económica asturianafai que la emigración forciada seya tristemente una de les nuestres señesd’identidá. La música siempretuvo presente nes maletes de los emigrantes asturianos y son munchos losartistes que compusieron cantares sobre esta temática.


  • Episodiu 31: LA EMIGRACIÓN NA MÚSICA ASTURIANA II

L’Asturies contemporánea ta marcada fondamente pola emigración. Milenta asturianos y asturianes dexaron esta tierra a lo llargo de tres foles d’emigraciones: la de metá del sieglu XIX y primeros del XX con rumbu a América, la de metá del sieglu XX camín de países europeos y la d’esti sieglu XXI hacia otres zones con más oportunidaes llaborales del Estáu español y Europa. Esta realidá tuvo y tien reflexu na música asturiana.


  • Episodiu 32: RARECES DE LA MÚSICA ASTURIANA

Desque s’inventaron los reproductores de soníu a finales del sieglu XIX lamúsica asturiana esperimentó un crecimientu esponencial y posibilitó quemunchos de los sos protagonistes grabaren pa bien de compañíes, guardando nossos archivos rareces y pieces úniques mui poco conocíes. Anguaño, colossistemes modernos de rexistru sonoru ye mui fácil autoproducise les grabacionesy munchos artistes y grupos asina lo faen. Pero ello nun quita pa que munches d’eses grabacioneshistóriques o contemporánees queden arrequexaes o directamente escaecíes.


  • Episodiu 33: LES BANDINES ASTURIANES I

En toa Asturies diose un fenómenu que foi popular abondo: el de les bandes o bandines de músicos populares. Dende los años finales del sieglu XIX, al empar que diben llegando instrumentos como l’acordión o’l clarinete, van formándose estes agrupaciones que percuerren fiestes y romeríes de prácticamente tol país; xeneralmente taben integraes por cinco o seis componentes y la so instrumentación yera variada, pero la más común solía ser la que llevaba dos o tres gaites, caxa, bombu y clarinete.


  • Episodiu 34: LES BANDINES ASTURIANES II

Depués d’un momentu d’esplendor qu’abarcaría dende principios del sieglu XX hasta los años 50, porcuenta de la llegada de les orquestes, entama una época de declive pa les bandines asturianes tradicionales formaes por músicos populares que cásique acaba con elles, pero nos años 90 los intérpretes mozos recuperen aquel espíritu y afiten una escena nueva d’esti tipu de formaciones, recuperando repertoriu vieyu y al empar anovando’l so soníu.