https://sanmateo.oviedo.es/cla…/dia-de-america-en-asturias
La idea del desfile del Día d’América n’Asturies, tou un homenaxe a la emigración, nació nos años 40 del pasáu sieglu. El guion foi una creación el pintor uvieín Alfonso Iglesias, autor de los personaxes Alfonso, Telva y Pinín protagonistes d’unes tires risibles que se publicaren na prensa local.
Trátase d’un homenaxe a la gran cantidá d’emigrantes asturianos a América, que pel branu volvíen a Asturies y amosaben los sos luxosos «haigas» por un Uviéu d’aquella bien pocu motorizáu.
El primer desfile celebróse’l 23 de setiembre de 1950 y rexuntó a miles de persones estelaes pol luxu de casi 60 haigas engalanaos de flores y banderes, nueve bandes de música y ocho xarrés desfilando pola cai Uría. Les carroces diseñaos por Iglesias representaben la despidida del emigrante, el barcu que lu lleva a América, los países principales de destín- Cuba, México y Arxentina-el regresu del indianu, yá ricu, nun modernu avión y a España, que lu acoyía.
A finales de los años 50 y empiezos de los 60, la emigración empezó a empobinase escontra Europa y eso treslladóse al propiu desfile. Los haigas dexaron de venir y empezaron a allegar grupos folklóricos d’Alemaña, Bélxica o Suiza que compartíen protagonismu colos clásicos de México, Arxentina o Chile.
Dende va años la filosofía del desfile camudó de la que lo faía la sociedá. Güei ye un homenaxe tantu a los asturianos que se fueron como a los miles d’inmigrantes que moren n’Uviéu, una comitiva de multiculturalidá, colorismo y convivencia.
El Día d’América n’Asturies axunta 3.500 participantes y 14 carroces n’Uviéu
Uviéu celebra güei’l so tradicional desfile del Día d’América n’Asturies y na so edición númberu 74, cuntará con más de 50 secuencies y 14 carroces.
12 muyeres mariachis lleguen dende Méxicu pa participar per segunda vegada nel desfile del Día d’América n’Asturies. Esti añu fadránlo dende una carroza y percorrerán les cais d’Uviéu, tocando pieces de música tradicional mexicana.
Un desfile nel qu’esti añu participarán 3.500 persones y más de 50 secuencies ente música, folclor y tradición y nel que Paraguái, foi escoyíu como país homenaxáu.
Ente les 14 carroces que desfilen, una d’elles ye la ganadora del concursu de carroces de Valdesoto, que participa per primer vegada nesti desfile.
Un desfile que celebra esti añu’l so 74 aniversariu y qu’enllenará les cais d’Uviéu d’hermandá.
Multitudinariu desfile del Día d’América n’Asturies. Uviéu volvió a convertir la cai Uría nuna pasarela de color, música, bailles y carroces.
Trece carroces con Paraguái como protagonista, y más de 3.500 figurantes. A falta de cifres oficiales, la percepción foi d’una de les ediciones con más visitantes.
Arrancó puntual, anque un incidente cola ocupación de les tradicionales sielles paralizó unos minutos el desfile.
Resolvióse cola intervención de la Policía Nacional y siguió con más de 3.500 figurantes, mediu centenar de secuencies, trece carroces y vehículos históricos.
Gran protagonista foi’l color d’una gran representación internacional con Paraguái como país homenaxáu.
Indianos, xigantes, cabezudos y tangos en movimientu. Un desfile de xunión de pueblos y cultures.
Bob Esponxa nun lu quixo perder, nin la corporación municipal al completu y tampoco ‘Mateín’, faltaría más. Un desfile multitudinariu que cumple con esta, 74 ediciones.
