Autora RAQUEL BONITA
Testu AURELIO DE LLANO y ROZA de AMPUDIA
Hai un momentu nel ciclu de la tierra nel que la gadaña dexa de segar, pero enantes de guardala había que cabruñarla, devolve-y el filu. El segador clavaba la bigornia nel suelu, sofitaba sobre ella la fueya de la gadaña y, con pequeños y precisos golpes de martiellu, diba afinando’l metal hasta recuperar la so capacidá de corte. Yera un trabayu paciente, casi ritual, que riquía maña y conocencia.
La gadaña acompañó a la representación de la muerte dende’l medievu.
La Parca, el Segador una metáfora esmolecedor.
Nun ye casual qu’esta imaxe cobre especial sentíu cuando termina ochobre. Pa los pueblos de tradición celta, estes feches señalaben el final del branu y l’empiezu del iviernu. El Samaín, que’l so nome procede del gaélicu Samhuinn, marcaba’l tránsitu ente dos metaes del añu: la lluminosa y fértil, y l’escura y fría.
Yera tamién un tiempu de frontera. Creíase que mientres eses nueches el mundu de los vivos y el de los muertos averábense, el velu que dixebraba dambos mundos volvíase más finu. La muerte nun s’entendía namás como un final, sinón como parte d’un ciclu natural de desapaición y renacencia.
- Raquel Bonita @raquelbonita_illustration ta especializada n’ilustración editorial infantil. Cunta con diverses publicaciones y esposiciones nacionales y internacionales, y participó en cites destacaes como la Feria del Llibru Infantil de Bolonia, nel 2021 y 2023, y la Feria del Llibru de Shanghái, onde recibió una Mención Especial nel 2018.
El protagonismu del color y la síntesis xeométrica definen el so llinguaxe visual, qu’anguaño tresllada al ámbitu testil y artesanal al traviés d’un proyectu personal nel qu’ilustra y diseña los sos propios patrones y estampaos.
- Aurelio de Llanu y Roza de Ampudia (Caravia la Baxa, 19 de marzu de 1868-Madrid, 2 de payares de 1936) foi un escritor y folclorista asturianu. Cofundador y primer presidente del Centru d’Estudios Asturianos en 1918 asina como tamién sociu fundador de la Sociedá d’Antropoloxía, Etnografía y Prehistoria en 1921.