Dende’l mediudía y hasta les 20:00 hores de la tarde, va tar activáu l’avisu mariellu nel cordal, nel suroccidente y tamién na zona central, por posibilidá de bastios fuertes. Uviéu /
Esperamos una mañana estable na que van predominar los grandes claros en casi tol Principáu. Pero a partir del mediudía la nubosidad va dir aumentando hasta cubrir prácticamente por completu la rexón. Estes nubes van poder dexar bastios, sobremanera nel interior, que podríen venir acompañaos de nubes. Dende les 12:00 hores del mediudía y hasta les 20:00 hores de la tarde, va tar activáu l’avisu mariellu nel cordal, nel suroccidente y tamién na zona central d’Asturies, por posibilidá de bastios fuertes que podríen rexistrar hasta 15 llitros per metro cuadráu en tan solo una hora. Amás, en dichu avisu especifícase que podría faer actu de presencia’l xarazo y, por momentos, raches fuertes de vientu acomuñaes a les nubes. Tocantes a les temperatures, les máximes van xubir de forma xeneralizada ente 2 y 3 ºC respectu al miércoles. Les mínimes van caltenese ensin grandes cambeos.
El vienres tamién se preve inestabilidá de cara a la segunda metá del día y podríen volver esperase bastios localmente fuertes.
