Publicado en Deportes

Llugones estrena’l mayor centru d’esguilada d’Asturies.

🧗‍♀️🔗Llugones estrena’l mayor centru d’esguilada d’Asturies. Más de 100 víes y parés d’hasta 20 metros d’altor van dexar practicar a amantes d’esti deporte de tolos niveles. El Comercio /LNE /  #rocódromo #escalada #Lugones #Siero #Asturias #TPA_CR

El gran centru d’esguilada de Llugones cautiva a los usuarios: «Ye la bomba tenelo equí, la esperiencia ye estupenda» .«Faía falta dende va años daqué asina n’Asturies», indiquen los deportistes, que ponen en valor los autoseguros, el llargor de les víes o’l muriu esterior d’un espaciu que yá suma un millar de socios. LNE

Isabel García, apasionada de la esguilada y el monte, vive prácticamente un suañu. En Llugones, a menos de diez minutos de la so casa, tien a la so disposición un centru d’esguilada que visitó prácticamente a diariu dende la so apertura. “Ye la bomba tenelo en Llugones. La xente a la que nos gusta esti mundu esperábamos daqué según llocos”, confiesa. La zona de cuerdes y de víes, “que tán súper bien forníes y con unu llargor increíble”, son unu de los puntos fuertes que resalta del equipamientu deportivu de la firma Sputnik, que superó toles mires de los amantes d’esta disciplina que taben pindies de la so puesta en funcionamientu. En pocu más d’una selmana fueron cientos los visitantes que pasaron por un complexu de 2.400 metros cuadraos de superficie y víes d’hasta 20 de metros d’altor. “La esperiencia ye estupenda, esguílase perbién en cualesquier de les zones que s’ufierten”, incide García.

Dispon de 2.400 metros cuadraos, con un millar de víes interiores y 400 d’esteriores; amás de más de 40 autoseguros y un centenar de rutes qu’algamen los 20 metros d’altor.

Cuenta con muriu oficial de velocidá, 500 metros cuadraos de ‘boulder’ distribuyíos en dos llantes, ximnasiu y zona d’entrenamientu, área para families, vestuarios, 200 metros cuadraos destinaos a restauración y 60 places d’aparcamientu.

«Sputnik Asturies empecipia la so actividá con más de 750 socios qu’adquirieron yá un abonu añal», destacaba’l director executivu de la firma, Fernando Hernández.

El preciu de la entrada ye de 14 euros para adultos y de 10 para neños d’ente 3 y 15 años. Tamién hai posibilidá de sacar un bonu de diez entraes por 126 euros. L’abonu añal cuesta 490 euros, 41 al mes. El centru ufierta coles mesmes distintos paquetes d’actividaes. Por casu, una clase d’una hora de duración de bautismu na esguilada por 30 euros, clases en familia por 26 y actividaes infantiles por 20 euros pa neños de 4 a 12 años.

Atópase na zona de Les Bellotines, que ta esperimentando un importante desenvolvimientu urbanísticu y de nuevos servicios comerciales. Ello ye que mui cerca, proxéctase la construcción d’un nuevu supermercáu de la firma Mercadona. Tamién ye onde empieza’l percorríu de la sienda piatonal y ciclista que conecta cola urbanización de La Fresneda.

Per otru llau, hai grupos d’entrenamientu de distintos niveles para persones yá empecipiaes na esguilada y una escuela, «Crecer Esguilando», pensada para neños y adolescentes, con clases empobinaes y estremaes por grupos d’edá impartíes por espertos.

Autor:

Maestra de Llingua Asturiana Colexu Carmen Ruiz-Tilve - Uviéu