Les paves de los cigarros siguen siendo ún de los residuos más avezaos nos arenales asturianos. Esta mañana, una decena de voluntarios participó nuna recoyida de basura na sablera de La Isla, en Colunga.
Una iniciativa entamada por cuenta de les fiestes de La Velilla y na que participaron tanto adultos como neños.
Seis bolses de basura ye lo que recoyeron los voluntarios. Ente ellos, adultos y neños, qu’aseguren que, polo xeneral, l’arenal ta mui llimpiu. Eso sí, lo que más atoparon fueron paves de cigarros.
Bona parte d’esa llimpieza, cúntennos, débese tamién a una vecina del pueblu que cada mañana aprovecha’l so bañu pa recoyer tolo qu’atopa al so pasu.
La iniciativa forma parte de les actividaes entamaes pola Comisión de Fiestes por cuenta de La Velilla, que se celebra estos díes en La Isla.
