El Principáu quier un turismu de calidá na entrega de los premios Asturies Paraísu Natural. Galardonaos l’Asociación d’Hosteleros de Gascona, Puebloastur, el Conceyu de Taramundi y l’Asociación Fomentu de la Cocina Asturiana. Semeyes LNE
L’Asociación d’Hosteleros de la cai Gascona, Puebloastur, el Conceyu de Taramundi y l‘Asociación Fomentu de la Cocina Asturiana son yá los primeros Premios Asturies Paraísu Natural.
El Centru cultural Niemeyer acoyó esti xueves la entrega de los galardones, creaos pol Gobiernu d’Asturies pa reconocer la contribución d’empreses, entidaes y iniciatives al desenvolvimientu y la proyección turística de la comunidá.
Nel casu de los cuatro premiaos, l’Executivu autonómicu destaca que representen diferentes formes de contribuyir a un mesmu modelu turísticu capaz de xenerar riqueza y oportunidaes pero con un modelu basáu na crecedera responsable.
Premiu a los referentes turísticos del Principáu y reivindicación del «respeturismo» nos «Asturies Paraísu Natural». «Que quien nos visiten sepan tamién lo que ye la nuesa tierra y que la curien como la curiamos los asturianos», destaca Llamedo. «Queremos que se lleven d’equí hestories inolvidables, que vivan Asturies y que nos ayuden a promocionala dende’l ciñu y la deferencia”, afirma Barbón.
Una reivindicación sobro la necesidá d’apostar pola identidá asturiana, pola unión ente los distintos axentes qu’integren el sector y por un turismu sostenible.
Esi pue ser el resume de la ceremonia d’entrega de la primer edición de los premios «Asturies Paraísu Natural», celebrada esti xueves nel Niemeyer d’Avilés, na que fueron estremaos el complexu hoteleru PuebloAstur, l’Asociación d’Hosteleros de la cai Gascona, el Conceyu de Taramundi, y l’Asociación Fomento de la Cocina Asturiana (FOCU), y na que tanto’l presidente del Principáu, Adrián Barbón, como la vicepresidenta y conseyera de Turismu, Gimena Llamedo, incidieron nel conceutu de «respeturismo»: «Que quien nos visiten sepan tamién lo que ye la nuesa tierra y que la curien como la curiamos los asturianos».




