Publicado en Enerxía

Taxonomía Verde Europea

Taxonomía Verde Europea: dos tercios de les empreses d’Asturies tienen potencial pa captar inversión sostenible. La Voz

La siderurxa, el cementu y la metalurxa asitien a la comunidá percima de la media estatal n’actividaes qu’adapten la so tecnoloxía p’amenorgar emisiones.

Más de 13.000 sociedaes mercantiles actives n’Asturies desenvuelven actividaes económiques recoyíes dientro de la denominación de la Taxonomía Verde de la Unión Europea, el marcu normativu comunitariu qu’establez qué sectores contribúin a la sostenibilidá ambiental, cuálos tienen esi potencial. Esta cifra nun ye pequeña, representa’l 65% de les 20.407 empreses actives analizaes nel Principáu, un rexistru qu’asitia a la comunidá percima de la media nacional.

La llamada “taxonomía verde europea” ye una vía pa qu’inversores y empreses puedan estremar qué proyectos afecten (negativamente) al clima y al mediu ambiente. Pa eso, la Comisión impulsó una nueva taxonomía o clasificación basada nos encamientos d’espertos y científicos. Nesti testu, ente otres coses incluyéronse de manera transitoria y baxo bien estrictes condiciones les fontes como’l gas natural y l’enerxía nuclear como ponte escontra un futuru nel que predominen les enerxíes anovables.

¿Por qué’l gas natural y l’enerxía nuclear son tan relevantes?
La producción y usu de la enerxía na UE ye responsable de 75% de les emisiones totales de la UE de gases con efectu invernaderu. Énte esta situación, ye necesariu replantegase toles fontes d’enerxía alternativa y ye equí onde xueguen el so papel el gas natural y l’enerxía nuclear.

Autor:

Maestra de Llingua Asturiana Colexu Carmen Ruiz-Tilve - Uviéu