Mares Circulares entrega a la Universidá d’Uviéu un bancu fabricáu con plásticu recoyíu del mar en reconocencia al so compromisu medioambiental.
El Campus d’Humanidaes El Milán de la Universidá d’Uviéu cunta dende güei con un bancu urbanu de plásticu recicláu, donáu pol proyectu Mares Circulares de Coca-Cola. Esta pieza esclusiva reconoz el compromisu de la nuesa institución académica cola sostenibilidá, la economía circular y el medioambiente.
https://f.mtr.cool/bdnvrtallf
https://f.mtr.cool/bdnvrtallf
La pieza apurrida forma parte d’una serie llindada de 16 bancos esclusivos que Mares Circulares ta instalando en distintes instituciones y organizaciones de toa España comprometíes col cuidu de los mares y les redolaes acuátiques. Caúna d’estes pieces simboliza’l valor de la collaboración y l’aplicación real de la economía circular.
Cada bancu ta compuestu por un 30 % de plásticu PET recoyíu mientres les llimpieces entamaes pol proyectu, un material altamente degradáu que nun puede reincorporase al circuitu habitual de reciclaje.
