Naz Navidad en el Paraíso, una esperiencia pa impulsar l’actividá turística n’iviernu. / El Gobiernu d’Asturies va poner en marcha esti añu Navidad en el Paraíso, un nuevu productu turísticu d’iviernu vinculáu al mediu rural que se va estrenar mientres la campaña navidiega 2026-2027 en Porrúa (Llanes) y Cuideiru. L’actividá va desenvolvese del 4 d’avientu al 6 de xineru del 2027 y busca convertir les Navidaes nun nuevu encantu pa viaxar a Asturies, fomentar les estancies fuera de la temporada alta y xenerar actividá económica. LNE
Dos pueblos asturianos aspiren a ser esti iviernu Laponia, el llar de cuentu de Pá Noel. Van Ser los más navidiegos d’España gracies a una nueva campaña turística cola que’l Principáu pretende impulsar la llegada de visitantes nos meses d’avientu y xineru. Trátase de Cuideiru, la turística villa marinera de cases colgantes de 1.300 habitantes, y Porrúa, un pequenu pueblu de tan solo 400 habitantes allugáu nel conceyu de Llanes.
La esperiencia foi bautizada como «Navidá nel Paraísu» y ta venceyada al mediu rural.
L’ambientación y la decoración navidiegues van tresformar Porrúa y Cuideiru mientres daqué más d’un mes y van sirvir d’escenariu pa una programación empobinada a tolos públicos, con especial atención a les families y a les esperiencies pa los más pequeños. La iniciativa va aprovechar la maxa de la Navidá pa convidar a descubrir dalgunos de los grandes encantos d’Asturies al traviés de los sos pueblos. “La Navidá ye un escaparate pa qu’Asturies amuese los sos secretos y queremos aprovechalo pa ufiertar una esperiencia diferente, capaz de sorprender tanto a los que nos visiten como a los que vivimos equí”, esplicó Llamedo.
Navidad en el Paraíso va utilizar dambos pueblos como escenarios reales pa ufiertar una esperiencia inspirada na identidá d’Asturies. La propuesta va combinar patrimoniu, paisaxe, cultura, gastronomía y tradiciones con nuevos formatos creativos p’atraer visitantes mientres la temporada iverniza. La iniciativa concíbese como una esperiencia turística integral, temporal y innovadora, que va utilizar los mesmos pueblos como escenarios únicos,reales y vivos. Cada añu, dos localidaes van convertise n’escenariu d’esperiencies vinculaes a la Navidá tradicional, apostando pola innovación y xenerando actividá económica y turística nel territoriu. La participación de la población local va formar tamién parte del desenvolvimientu de la esperiencia, vinculándola a la identidá y a los recursos de cada territoriu.
L’oxetivu ye que los que visiten Porrúa y Cuideiru participen viviegamente na esperiencia y atopen motivos pa enllargar la so estancia. D’esta miente, l’impactu económicu va estendese a tol texíu turísticu, comercial y de servicios de dambos conceyos y de les sos árees d’influencia. Navidad en el Paraíso va complementar les esperiencies navidiegues que yá se desenvuelven n’otros llugares d’Asturies y súmase a otres midíes de desestacionalización impulsaes pol Gobiernu d’Asturies, como los bonos de turismu rural, dirixíos a incentivar les estancies fora de la temporada alta y a reforzar l’impactu de l’actividá turística na economía local.
