El Principáu asegura que foi un gran llogru consiguir la reconocencia de la especialidá docente d’asturianu. Yera una reclamación pendiente dende va décades. Tán trabayando nos decretos, pero los plazos son mui curtios y nun va ser posible convocar oposiciones en xunu del 2027, como piden les organizaciones asturianistes aseguren Eva Ledo, conseyera d’Educación; y Inaciu Galán, fundador d’Iniciativa pol Asturianu.
La especialidá docente ye pal Principáu una gran meyora, pero nun arrenuncien a la oficialidá señalen Vanessa Gutiérrez, conseyera de Cultura, Política Llingüística y Deporte y Inaciu Galán.
Pa reformar l’estatutu d’autonomía y consiguir la oficialidá del asturianu nun basta cola mayoría absoluta que sumen los 23 diputaos de la izquierda.
Necesítense más votos, los de 30 de los 45 parllamentarios. Van siguir, trabayando, dicen, nesa dirección. Anque reconocen meyores como que l’asturianu y l’eonaviegu yá s’ufierte nes escueles d’idiomes, que llegara a la educación infantil, o la ellaboración d’una estratexa de normalización con 250 midíes.
