L’amuesa «La Beronda, de Belonciu a Madrid» va poder visitase del 20 d’agostu al 7 de setiembre nun escaparate de la localidá.Riu Fontoria avera la hestoria de Vicenta Peláez al públicu con una esposición en Piloña. El Fielato
Sol títulu «Vicenta Peláez, “La Beronda”, de Belonciu a Madrid», la esposición pon el focu n’una muyer qu’alministró la so propia fortuna azucrera n’una dómina na que les muyeres escarecíen d’identidá xurídica.
L’Asociación Riu Fontoria, d’Areñes, entama una esposición dedicada a Vicenta Peláez, «La Beronda», que percuerre la hestoria d’una muyer adelantrada al so tiempu y la so trayectoria dende Belonciu hasta Madrid. L’amuesa va permanecer abierta al públicu hasta’l próximu 7 de setiembre.
L’amuesa destaca tamién l’aguada social de Peláez, que convirtió la caridá en formación y la llimosna n’independencia económica para les muyeres del so valle.
La esposición, qu’empezó’l pasáu 20 d’agostu, puede contemplase nel escaparate de la tienda de Sarita, asitiáu frente al BBVA, y va siguir instalada nesti espaciu hasta’l 7 de setiembre.
La iniciativa cuenta cola collaboración del Conceyu de Piloña.
