Premiu Amigu de Gascona 2026

Nesta edición de la Selmana de la Sidra, tenemos l’honor d’apurrir el Premiu Amigu de Gascona a Uviéu Capital Europea de la Cultura 2031, una iniciativa que trabaya para proxectar la nuesa ciudá dende la cultura, la participación y l’identidá que nos xune como uvieines y asturianos.

Dende Gascona compartimos esa mesma visión: una ciudá arguyosa de los sos raigaños, abierta al mundu y capaz de convertir el so patrimoniu, les sos tradiciones y la so xente n’una seña d’identidá única.

🥂 Esta reconocencia quier poner en valor el trabayu de toles persones ya instituciones qu’impulsen la candidatura d’Uviéu para convertise en Capital Europea de la Cultura 2031, llevando’l nome de la nuesa ciudá más allá de les nueses fronteres.

Porque la cultura tamién se vive alredor d’una mesa, d’una botella de sidra compartida y de llugares que formen parte de l’alma d’Uviéu.