Doscientos profesionales danse cita nel Campeonatu Européu de Trepa en Xixón.
Doscientos profesionales danse cita nel Campeonatu Européu de Trepa que se celebra nel Parque Isabel la Católica en Xixón.
Compiten por ser los más rápidos, habilidosos y con meyor equilibriu, cualidaes necesaries pa desenvolver el so trabayu n’altor. En dos hores Berti Champión, unu de los meyores, algamaba la picalina del mayor Ocalitu d’Europa, en Portugal: con 75 metros, l’anchu d’un campu de futbol.
Un oficiu poco conocíu nel nuesu país frente a otros puntos del mundu nos que dende va décades apuéstase fuertemente pola arboricultura.
El ‘kilometrín’ convirtióse nun esixente circuitu de competición. Cinco pruebes clasificatories a unos 35 metros d’altor comparable cola d’un edificiu d’unos 10 pisos: ascensu, rescate, trepa rápida, flonda y trabayu, una de les más espectaculares. Y la prueba máster, la gran final, que se va celebrar el domingu.
