La incertidume internacional nun frena a los españoles pa dir de vacaciones. Nueve de cada 10 tienen intención de viaxar esti branu. Pero les axencies de viaxes detecten un ritmu de ventes más tranquilu.
La costa cantábrica ta ente los destinos que lideren les preferencies del turista español. Asina s’amuesa nel informe ObservaTUR de les empreses turístiques. Dos tercios escueyen España, frente a una pequeña mengua de los destinos internacionales.
L’informe amuesa que los españoles nun renuncien a les vacaciones. 9 de cada 10 tien intención de viaxar esti branu. Anque les vacaciones cada vegada son más curties y más espardíes.
La tendencia amuesa viaxeros cada vegada más racionales y selectivos. El gastu mediu por persona afítase penriba de los 730 euros dempués de cinco años de medría siguíos.
Amás, medra la preferencia pol alquiler vacacional frente al hotel. Dalgo que tien especial incidencia na mocedá.
